పవర్ స్టార్ ఆడియో పంక్షన్ కి ఎన్టీఆర్‍

కరెక్టే.. పవర్ స్టార్ ఆడియో ఫంక్షన్ కి యంగ్ టైగర్ ఎన్టీఆర్ హాజరు కాబోతున్నాడని తెలుస్తోంది. అయితే, మన టాలీవుడ్ పవర్ స్టార్ పవన్ కళ్యాణ్ కాదు.. కన్నడ పవర్ స్టార్ పునీత్ రాజ్ కుమార్ నటించిన మూవీ ఆడియో వేడుకలో జూనియర్ సందడి చేయనున్నాడు. ఇప్పుడు చక్రవ్యూహ్ పేరుతో ఓ సినిమా చేస్తున్నాడు పవర్ స్టార్ పునీత్ రాజ్ కుమార్.

ఈ మూవీలో ఇప్పటికే ఎన్టీఆర్ ఓ భాగం అయ్యాడు కూడా. తమన్ మరీ మరీ అడగడంతో.. ఓ కన్నడ పాటను కూడా పాడాడు జూనియర్. హీరో కేరక్టర్ పైనే వచ్చే ఈసాంగ్, చక్రవ్యూహ్ మూవీకే హైలైట్ కానుందని తెలుస్తోంది. మరో పాట కోసం కాజల్ తో కూడా మొదటిసారిగా పాడించారు. ఇప్పడు ఈ మూవీ ఆడియో వేడుకను ఫిబ్రవరిలో నిర్వహించి.. సమ్మర్ నాటికి రిలీజ్ చేయాలన్నది నిర్మాతల ఆలోచన. ఫిబ్రవరి 12న చక్రవ్యూహ్ కి ఆడియో పండుగ చేసేందుకు ఏర్పాట్లు జరుగుతున్నాయి. ఇందులో పాల్గొనాలని జూనియర్ ఎన్టీఆర్ కి ఆహ్వానం పంపారట యూనిట్. దీనికి సానుకూలంగా స్పందించిన జూనియర్, సరే అన్నాడని తెలుస్తోంది.

వేరే భాషలో రిలీజ్ కానున్న మూవీకి చీఫ్ గెస్ట్ గా అటెండ్ అవతూ, ఎన్టీఆర్ కొత్త రికార్డే సృష్టంచనున్నాడు. శరవణన్ దర్శకత్వంలో రూపొందిన చక్రవ్యూహ్ కి లోహిత్ నిర్మిస్తున్నాడు. రచితా రామ్ హీరోయిన్ కాగా.. బ్రూస్ లీలో రామ్ చరణ్ కి విలన్ గా నటించిన అరుణ్ విజయ్.. ఈ మూవీలో మెయిన్ విలన్ గా యాక్ట్ చేస్తున్నాడు.