'జూ.ఎన్టీఆర్ హానెస్ట్ యాక్టర్.. నాకు ఇన్స్పిరేషన్'

యంగ్ టైగర్ ఎన్టీఆర్ కి యువ హీరో 'మాస్ కా దాస్' విశ్వక్ సేన్ వీరాభిమాని అనే సంగతి తెలిసిందే. తారక్ యాక్టింగ్ డ్యాన్స్ డైలాగ్ డెలివరీ చూసి తనకు ఇన్స్పిరేషన్ గా తీసుకున్నానని విశ్వక్ పలు సందర్భాల్లో చెప్పాడు. తాజాగా కమెడియన్ అలీ హోస్ట్ చేస్తున్న ఓ టాక్ షో కి గెస్టుగా వచ్చిన విశ్వక్ సేన్.. మరోసారి ఎన్టీఆర్ పట్ల ఉన్న అభిమానాన్ని చాటుకున్నాడు. ఎన్టీఆర్ హానెస్ట్ యాక్టర్ అని.. 'సింహాద్రి' సినిమా నుంచి ఆయన్ని ఇన్స్పిరేషన్ గా తీసుకున్నానని విశ్వక్ తెలిపారు.

''తెలుగు భాష పై పట్టున్న నటుడు.. ప్రతి పదాన్ని ప్రతీ డైలాగ్ ని స్పష్టంగా పలక గల నటుడు ఎన్టీఆర్.. అది ఆయనకు కేక్ వాక్ లాంటిది. నిజాయితీ గల నటుడు. ఆయనకు ఆయనే సాటి'' అని విశ్వక్ సేన్ చెప్పుకొచ్చారు. ఎంత పెద్ద యాక్టర్ అయినా కమర్షియల్ సినిమాకి వచ్చే సరికి అప్పుడప్పుడు ఫేకిజం వస్తూ ఉంటుంది.. కానీ ఎన్టీఆర్ విషయంలో అది కనిపించిందని అన్నారు. ''యాక్టింగ్ ఇరగ్గొడితే నిన్ను స్టార్ ని చేస్తారు.. కమర్షియల్ సినిమాలో కూడా కన్వీనియన్స్ యాక్టింగ్ చేయగలిగేది ఎన్టీఆర్ అని నా చివరి శ్వాస వరకు నమ్ముతాను'' అని విశ్వక్ చెప్పుకొచ్చాడు.

ఈ సందర్భంగా కథ నచ్చితే కొత్త హీరో ముక్కూ ముఖం తెలియని హీరో సినిమాలో విలన్ గా అయినా నటించడానికి రెడీ అని విశ్వక్ సేన్ అన్నారు. కథ క్యారక్టర్ గురించి ఆలోచిస్తానని.. రెమ్యూనరేషన్ గురించి లాస్ట్ లో ఆలోచిస్తానని విశ్వక్ చెప్పారు.ఇక ఎన్టీఆర్ కు డై హార్డ్ ఫ్యాన్ అయిన విశ్వక్ సేన్ గతేడాది తారక్ పుట్టినరోజు సందర్భంగా 'మాస్ కా దాస్ ట్రిబ్యూట్ టూ మాస్ కా బాప్ ఎన్టీఆర్' అనే ఈ ర్యాప్ సాంగ్ ని అంకితం ఇచ్చారు. మరి ఈ ఏడాది ఎన్టీఆర్ బర్త్ కి విశ్వక్ సేన్ ఏమి ప్లాన్ చేస్తున్నారో చూడాలి.