యంగ్ టైగర్ యూరోప్ ట్రిప్ షురూ

టాలీవుడ్ యంగ్ టైగర్ జూనియర్ ఎన్టీఆర్ గత కొంత కాలం నుంచి వరుస విజయాలతో దూసుకుపోతోన్న సంగతి తెలిసిందే. కమర్షియల్ మాస్ ఎలిమెంట్స్ ని టచ్ చేస్తూనే కథలో కొత్తదనం ఉండేలా చూసుకుంటున్నాడు. ఇక అన్ని వర్గాల ప్రేక్షకులను ఆకర్షిస్తూ.. బిగ్ బాస్ వంటి షోతో బుల్లి తెర ప్రేక్షకులకు కూడా బాగా దగ్గరయ్యాడు. చివరగా జై లవకుశ సినిమాతో మంచి గుర్తింపు తెచ్చుకున్న తారక్ త్రివిక్రమ్ దర్శకత్వంలో ఒక సినిమాను లాంచ్ చేసిన సంగతి తెలిసిందే.

ఆ సినిమా రెగ్యులర్ షూటింగ్ వచ్చే ఏడాది ఫిబ్రవరిలో స్టార్ట్ కానుంది. అంతే కాకుండా రాజమౌళి తో కూడా మల్టి స్టారర్ ప్రాజెక్ట్ కి ఒకే చెప్పిన సంగతి తెలిసిందే. ఇక ఈ రెండు సినిమాలు స్టార్ట్ కావాలంటే టైమ్ పడుతుంది. సో ఎన్టీఆర్ విదేశాలకు వెళ్లి ఫ్యామిలీతో హ్యాపీగా గడపాలని అనుకుంటున్నాడు.

రీసెంట్ గా తన భార్యని కొడుకును తీసుకొని తారక్ యూరోప్ ట్రిప్ కి వెళ్లాడు. అసలైతే గత కొన్ని రోజులక్రితమే. తారక్ యూరోప్ ట్రిప్ వెళ్లాలి. కానీ తన కుమారుడు అభయ్ వీసా ప్రాబ్లమ్ వల్ల లెట్ గా వెళుతున్నాడు. అక్కడే కొన్ని రోజులు హ్యాపీగా ఎంజాయ్ చేసి వస్తాడట. ఆ తర్వాత త్రివిక్రమ్ కథని స్టార్ట్ చేసి కుదిరితే రాజమౌళి ప్రాజెక్ట్ లో కూడా పాల్గొనే అవకాశం ఉన్నట్లు తెలుస్తోంది.