ఎన్టీఆర్ బాట‌లో ఒదిగిపోయే వార‌సుడొక‌డొస్తున్నాడు!

తాత పోలిక‌ల‌తో జ‌న్మించినందున యంగ్ టైగ‌ర్ ఎన్టీఆర్ క్రేజ్ స్కైని ట‌చ్ చేసింది. ప్ర‌తిభ‌తో పాటు రూపం అత‌డికి గాడ్స్ గిఫ్ట్. నంద‌మూరి వంశంలో ఎంద‌రు ఉన్నా కానీ మ‌ళ్లీ జూనియ‌ర్ ఎన్టీఆర్ క్రేజ్ తిరిగి తేవ‌డం అన్న‌ది అసాధ్యంగా క‌నిపిస్తోంది. ఇదిలా ఉంటే ఇప్పుడు యంగ్ టైగ‌ర్ ఎన్టీఆర్ సెట్ చేసిన బాట‌లో ఒదిగిపోయే వార‌సుడొక‌డొస్తున్నాడు!!! అనేందుకు ఇదిగో ఈ ఫోటోనే సాక్ష్యం.

తాజాగా ఎన్టీఆర్ అభిమానులను ఉత్సాహపరిచే విషయం ఒకటి సోషల్ మీడియాలో క‌నిపించింది. జూనియర్ ఎన్టీఆర్ భార్య ప్రణతి అతని చిన్న కుమారుడు భార్గవ్ రామ్ కొంత ఆట సమయాన్ని ఆస్వాధిస్తూ విశ్రాంతి తీసుకుంటున్న ఫోటో ఒక‌టి వైర‌ల్ గా మారింది. ఇక ఈ ఫోటోలో మాస్ట‌ర్ భార్గవ్ ముఖం స్ప‌ష్ఠంగా క‌నిపించ‌క‌పోయినా అత‌డు తండ్రి పోలిక‌ల‌తో చాలా అందంగా ఉన్నాడన్న‌ది అర్థ‌మ‌వుతోంది.

నంద‌మూరి లెగ‌సీని తార‌క్ త‌ర్వాత ముందుకు న‌డిపించే వారిలో ఒక‌రిగా భార్గ‌వ్ రామ్ ఉంటాడ‌న‌డంలో ఎలాంటి సందేహం లేదు. ఇప్ప‌టివ‌ర‌కూ బాల‌య్య వారసుడు మోక్ష‌జ్ఞ ఎంట్రీపై పూర్తి స్ప‌ష్ఠ‌త లేదు. అదే క్ర‌మంలో తార‌క్ కుటుంబం నుంచి బాల‌న‌టుడి ప్ర‌వేశం జ‌రిగేట్టే క‌నిపిస్తోందంటూ గుస‌గుస‌లు కూడా ఇప్పుడు ఊపందుకుంటున్నాయి. మొన్న‌నే అల్లు అర్జున్ త‌న వార‌సురాలు అల్లు అర్హ‌ను తెర‌కు ప‌రిచ‌యం చేయాల‌ని తీసుకున్న నిర్ణ‌యంతో ఇత‌ర స్టార్ ల‌ను ఆలోచింప‌జేసింది. ఇక తార‌క్ కి కూడా భార్గ‌వ్ ని ఏదైనా బాల‌ల చిత్రంతో ప‌రిచ‌యం చేయాల్సిన స‌మ‌యం వ‌చ్చింద‌నే భావిస్తున్నారు. ఇక‌పోతే తార‌క్ కూడా రామాయ‌ణం అనే చిత్రంతో గుణ‌శేఖ‌ర్ ద‌ర్శ‌క‌త్వంలో తెర‌కు ప‌రిచ‌యం అయిన సంగ‌తి తెలిసిందే. ఇప్పుడు బ‌న్ని కూడా త‌న వార‌సురాలు అర్హ‌ను గుణ‌శేఖ‌ర్ ద‌ర్శ‌క‌త్వంలోనే ప‌రిచ‌యం చేస్తున్నారు.

వృత్తిపరమైన లేదా త‌న‌ జీవితానికి సంబంధించిన ఎలాంటి అప్ డేట్ ల‌ను సామాజిక మాధ్య‌మాల్లో ఇవ్వ‌ని తార‌క్ అభిమానులకు కొంత ఊరటనిచ్చేలా ఈ ఫోటో ఉప‌క‌రిస్తోంది. RRR ప్రమోషన్ కోసం ఎన్టీఆర్ ప్రిప‌రేష‌న్ లో ఉన్నారు. ఇదిలా ఉంటే ఎన్టీఆర్ 30కి సంబంధించిన అప్ డేట్ కోసం ఆయన అభిమానులు ఆసక్తిగా ఎదురుచూస్తున్నారు. కొర‌టాల‌తో తారక్ సినిమా లాంచింగ్ గురించి అంతా వెయిటింగ్. దానిపై ఎలాంటి ప్ర‌క‌ట‌నా రాలేదు దేనికో!