రేటింగ్ తక్కువ.. వసూళ్లెక్కువ

ఢిల్లీ భామ తాప్సీ టైం సూపర్ గా ఉన్నట్లుగా ఉంది. రీసెంట్ గా టాలీవుడ్ లో ఆనందో బ్రహ్మ అంటూ లో బడ్జెట్ సినిమాతో భారీ సక్సెస్ నే అందుకుంది. ఇప్పటివరకూ బాలీవుడ్ లో పెర్ఫామెన్స్ రోల్స్ చేసిన ఈ సుందరి.. తొలిసారిగా గ్లామర్ అవతారంలోకి మారి చేసిన సినిమా జుడ్వా2. రెండు దశాబ్దాల క్రితం తెలుగులో వచ్చిన హలోబ్రదర్ మూవీకి హిందీ రీమేక్ అయిన జుడ్వాకి సీక్వెల్ ఈ జుడ్వా2.

తాజాగా విడుదల అయిన ఈ మూవీకి క్రిటిక్స్ రేటింగ్స్ అన్నీ యావరేజ్ గానే వచ్చాయి. ఎవరూ 2.5కు మించి రేటింగ్ ఇచ్చిన దాఖలాలు కూడా కనిపించలేదు. కానీ ఈ కలర్ ఫుల్ మూవీ మాత్రం జనాలను బాగానే అట్రాక్ట్ చేస్తోంది. తొలి రోజున ఏకంగా రూ. 15.55 కోట్లు వసూలు చేసి రికార్డ్ సృష్టించేసింది. ఈ ఏడాది బెస్ట్ ఓపెనింగ్స్ లో నాలుగో స్థానంలో నిలిచిందంటే.. జుడ్వా2 కి జనాలు ఎంతగా కనెక్ట్ అయ్యారనే సంగతి అర్ధమవుతుంది. వరుణ్ ధావన్ చేసిన డబుల్ యాక్షన్ కు కూడా ప్రశంసలు దక్కుతున్నాయి. అలాగే హీరోయిన్స్ జాక్వెలిన్ ఫెర్నాండెజ్.. తాప్సీ పన్ను బికినీ అందాలను జనాలు తెగ ఎంజాయ్ చేస్తున్నారు.

రేటింగులు కలిసి రాకపోయినా.. కలెక్షన్స్ మాత్రం కుమ్మేస్తోంది జుడ్వా2. సల్మాన్ జుడ్వాతో కంపేర్ చేసి కొందరు పెదవి విరుస్తున్నా ఈ జనరేషన్ మాత్రం.. ఫుల్ లెంగ్త్ కామెడీ మూవీని బాగానే ఆదరిస్తున్నారు. కలెక్షన్స్ స్టడీగా ఉండడంతో.. ఫుల్ రన్ లో 100 కోట్ల మార్క్ ను అందుకుంటుందని అంచనా వేసేస్తున్నారు. ఇదే జరిగితే మాత్రం వరుణ్ ధావన్ స్టార్ హీరోల జాబితాలో చేరినట్లే.