సినిమాలకు సెట్టవ్వనని తెలుసుకుంది

జ్వాలా గుత్తా.. గతంలో సినిమాలపై తెగ ఇంట్రస్ట్ చూపించిన ఈ బ్యాడ్మింటన్‌ స్టార్.. ఇప్పుడు మాత్రం నోనో అంటోంది. ఓ తెలుగు సినిమాలో మాంచి హుషారైన పాటే చేసింది గతంలో. నితిన్ హీరోగా తెరకెక్కిన గుండెజారి గల్లంతయ్యిందే చిత్రంలో నటించింది. నితిన్ - జ్వాల మంచి ఫ్రెండ్స్ కావడంతో.. అప్పట్లో ఓ ట్రయల్ వేసింది. నటించిన ఒకే ఒక సాంగ్ లో ఈ బొద్దు భామ పెర్ఫామెన్స్ పై తీవ్రస్థాయిలో విమర్శలు ఎదురయ్యాయి.

ఎందుకొచ్చిన ప్రయోగాలు.. బుద్ధిగా వచ్చిన ఆటేదో ఆడుకోక అంటూ.. కామెంట్స్ చేయడం మొదలుపెట్టారు. తాను ఎలాంటి మిస్టేక్ చేశాననే విషయం.,. ఈ విమర్శలు విన్నాక కానీ ఈ ప్లేయర్ కి అర్ధం కాలేదు. ఈ దెబ్బతో జ్వాలకు సిల్వర్ స్క్రీన్ ఆశలు ఆవిరయిపోయాయి. నిజానికి తమ మూవీలో నటించమంటూ అనేక భాషల నుంచి ఆఫర్స్ ఇప్పటికి కూడా వస్తున్నాయి జ్వాలాగుత్తాకి. అయితే.. ఈమె మాత్రం ససేమిరా అంటోంది.

తనకు సినిమాల్లో నటించే ఇంట్రెస్ట్ లేదని చెప్పేస్తోంది. తన మొదటి సినిమా, చివరి సినిమా కూడా గుండెజారి గల్లంతయ్యిందే అని ఫిక్స్ అయిపోయింది. మొత్తానికి తన ఫిలిం కెరీర్ ముగిసినట్లే అని జ్వాల నిర్ణయించుకుంది. సినిమాలకు తనకు చాలా దూరం విషయాన్ని అర్ధం చేసుకున్నట్లుంది కదూ.