జో అచ్యుతానంద.. అదన్నమాట

ఇప్పటివరకు మాటలే కాని.. అసలు సినిమా గురించి ఎలాంటి న్యూస్‌ లేదు. మామూలుగా వారాహి సినిమా వారు ఏదైనా మూవీ చేస్తున్నారంటే.. ఫస్ట్‌ లుక్‌ రిలీజయ్యి.. దాదాపు షూటింగ్‌ అంతా పూర్తయ్యాకే.. దానిని ప్రమోట్‌ చేస్తుంటారు. కాని ఇప్పుడు ''జో అచ్యుతానంద'' విషయంలో మాత్రం కాస్త ఎగ్రెసివ్‌ గానే ఉన్నారు.

ఈ మధ్యన వారాహి వారికి కూడా బయట తీసిన సినిమాలను డిస్ర్టిబ్యూట్‌ చేయడం తప్పించి.. సొంతంగా ప్రొడక్షన్‌ చేసిన వాటిలో ఒక్కటి కూడా పెద్దగా ఆడలేదు. అయితే ''ఊహలు గుసగుసలాడే'' సినిమాతో హిట్టు కొట్టిన కమెడియన్‌ కమ్‌ దర్శకుడు శ్రీనివాస్‌ అవసరాల డైరక్షన్‌ లో ఇప్పుడు ''జో అచ్యుతానంద'' సినిమాను తీస్తున్నారు. నిన్న ఉగాది సందర్భంగా షూటింగ్‌ లో ఉన్న టీమ్‌ అంతా కలసి ఒక విషెస్‌ వీడియో రిలీజ్‌ చేసింది. నారా రోహిత్‌ అండ్‌ నాగ శౌర్య హీరోలుగా.. అలాగే రెజీనా హీరోయిన్‌ గా నటిస్తోంది.

సర్లేండి.. సినిమాలకు ముందు నుండే ఎర్లీగా ప్రమోషన్లు స్టార్ట్‌ చేస్తే.. ఆ కిక్కే వేరబ్బా!!