జ్యోతిల‌క్ష్మికి జ్యోతిల‌క్ష్మి ప్ర‌శంస‌!

ఒక‌రి ప్ర‌తిభ గురించి ఇంకొక‌రు పొగిడితే .. ఆ క్ష‌ణం మ‌రిచిపోలేనిది. త‌న‌కంటే సీనియ‌ర్ త‌న‌ని అభినందిస్తే గాల్లో తేలిపోయిన‌ట్టే ఉంటుంది. ముఖ్యంగా న‌ట‌నా రంగంలో ఒక జూనియ‌ర్‌ని వేరొక సీనియ‌ర్ న‌టి పొగిడేశారంటే స‌ద‌రు జూనియ‌ర్‌లో కాన్ఫిడెన్స్ లెవ‌ల్ మ‌రింత పెరుగుతుంది. అయితే ఓ ఫ్లాప్ సినిమాలో నాయిక అభిన‌యం గురించి ప్ర‌స్థావిస్తూ. .. ఓ సీనియ‌ర్ న‌టి ప్ర‌శంసించ‌డం ప్ర‌స్తుతం టాక్ ఆఫ్ ది టౌన్‌.. డీటెయిల్స్‌ లోకి వెళితే..

ఈ ఎపిసోడ్‌ లో జూనియ‌ర్ న‌టి .. అందాల ఛార్మి. సీనియ‌ర్ న‌టి జ్యోతిల‌క్ష్మి. ప్ర‌శంస అందుకున్న‌ది ఛార్మి. ప్ర‌శంసించింది జ్యోతిల‌క్ష్మి. ఇటీవ‌లే ఓ టీవీ చానెల్ ఇంట‌ర్వ్యూ లో యాంక‌ర్ అడిగిన ప్ర‌శ్న‌కు జ్యోతిల‌క్ష్మి స‌మాధానం చెబుతూ.. నా పేరు మీద జ్యోతిల‌క్ష్మి సినిమా తెర‌కెక్క‌డం గ‌ర్వించ‌ద‌గ్గ‌దే. అందులో ఛార్మి న‌ట‌న అస‌మానం. అద్భుతంగా న‌టించింది అంటూ పొగిడేసింది.

వాస్త‌వానికి జ్యోతిల‌క్ష్మి ఫ్లాప్ సినిమాగా పేరు తెచ్చుకుంది. ఛార్మి న‌ట‌న బావున్నా ఆశించిన ఫ‌లితం ద‌క్క‌లేదు. అయితేనేం ఓ గొప్ప పొగ‌డ్త ద‌క్కింది ఛార్మికి. స్వ‌యంగా జ్యోతిల‌క్ష్మి అంత‌టి గొప్ప డ్యాన్స‌ర్‌ - సీనియ‌ర్ డ్యాన్స‌ర్ కం న‌టి త‌న‌ని ప్ర‌శంసించ‌డం అంటే అది త‌న‌కి అవార్డు లాంటిదే. ఈ సంగ‌తి ఛార్మి చెవిన ప‌డిన‌ప్పుడు ఆ ఆనందానికి హ‌ద్దులే లేవ‌ని స‌న్నిహితులు చెబుతున్నారు. ఇదే ఉత్సాహంలో జ్యోతిల‌క్ష్మి 2లో న‌టిస్తుందో ఏమో!