ఫస్ట్ లుక్: జ్యోతిక వదలనంటోందే

వయస్సు 38 టచ్ అయ్యింది. మామూలుగా అయితే మన సౌత్ ఇండియన్ ఫిలిం ఇండస్ర్టీలోనే కాదు.. బాలీవుడ్ లో కూడా ఈ ఏజ్ టచ్చేశాక ఇక హీరోయిన్ గా కొనసాగడం కష్టం. కాని హీరోయిన్ జ్యోతిక మాత్రం.. మొన్న తన రీ-ఎంట్రీ పెద్దగా సక్సెస్ కాకపోయినా కూడా తానో పట్టువదలని విక్రమార్కుడుని అన్నట్లు ప్రయత్నిస్తూనే ఉంది. లీడింగ్ లేడీగా అసలు హిట్టొచ్చేదాక వదలనంటూ.. ఉమెన్ సెంట్రిక్ సినిమాలను ఎంచుకుంటోంది.

హీరో సూర్యను పెళ్ళిచేసుకుని ఒక 10 సంవత్సరాల పాటు సినిమాలను వదిలేసన జ్యోతిక.. ''36 వయధనిలే'' అనే సినిమాతో తిరిగి తమిళ సినిమాల్లోకి ఎంట్రీ ఇచ్చింది. మలయాళంలో హిట్టయిన ఆ సినిమా ఇక్కడ ఫ్లాపైంది. తెలుగులో అసలు రిలీజే కాలేదు. ఇకపోతే ఇప్పుడు ''నాచియార్'' అనే సినిమాతో దూసుకొస్తోంది. సంచలన డైరక్టర్ బాల ఈ సినిమాను రూపొందించాడు. ఒకవేళ కమర్షియల్ హిట్టు వస్తుందో లేదో తెలియదు కాని.. బాల సినిమాలంటే ఖచ్చితంగా పేరు మాత్రం వచ్చేస్తుంది.

ఈరోజు ఈ సినిమా తాలూకు ఫస్ట్ లుక్ రిలీజైంది. గతంలో మనం చాలా తమిళ సినిమాల్లో చూసినట్లు హీరోయిన్ షర్టు వేసుకుని.. కాస్త రఫ్ గా బిహేవీ చేసే లేడీగా.. తమిళ వాసనతో ఫుల్లుగా ఇంప్రెస్ చేయడానికి ప్రయత్నిస్తోంది జ్యోతిక. మరి ఈ ''నాచియర్'' సినిమాను తెలుగులోకి ఏ పేరుతో తెస్తారు.. ఎప్పుడు రిలీజ్ చేస్తారు.. వంటి వివరాలు తెలియాల్సి ఉంది.

Like Us on Facebook : https://www.facebook.com/Tupakidotcom/