సంచలనం రేపుతున్న తమిళ సినిమా

hgb కాకా ముట్టై.. గత శుక్రవారం విడుదలైన తమిళ సినిమా ఇది. ఇప్పుడు దేశవ్యాప్తంగా హాట్‌ టాపిక్‌ అవుతోంది. అన్ని ఇండ్రస్టీలకు చెందిన ప్రముఖ దర్శక నిర్మాతలు, నటీనటులు ఈ సినిమా గురించే మాట్లాడుకుంటున్నారు. క్రిటిక్స్‌ అయితే ఈ సినిమా గురించి తెగ పొగిడేస్తున్నారు. సినిమా చూసినవాళ్లందరూ ఉద్వేగాన్ని ఆపుకోలేకపోతున్నారు. ఇలాంటి సినిమా ఇప్పటిదాకా చూడలేదని చెబుతున్నారు. చాలామంది థియేటర్ల నుంచి కన్నీళ్లతో బయటికి వస్తున్నారు. అంతగా జనాల్ని కదిలిస్తోందీ సినిమా.

ఒక్క కరణ్‌ జోహార్‌ మాత్రమే కాదు.. చాలామంది సినీ సెలబ్రెటీలు ఈ సినిమా గురించి గొప్పగా మాట్లాడుకుంటున్నారు. స్లమ్‌ ఏరియాలో పెరిగి ఇద్దరు పేద పిల్లలు పిజ్జా టేస్ట్‌ చేయాలనుకుంటారు.. అందుకోసం వాళ్లు చేసే పోరాటమే ఈ సినిమా. మన దేశంలో ధనిక, పేద వర్గాల మధ్య ఎంత అంతరముందో ఎంతో హృద్యంగా చూపించాడు డెబ్యూ డైరెక్టర్‌ మణికందన్‌. ఈ చిత్రానికి ప్రముఖ హీరో ధనుష్‌ సహ నిర్మాతగా వ్యవహరించడం విశేషం. ధనుష్‌తో 'ఆడుగళం' లాంటి జాతీయ అవార్డు సినిమా తీసిన వెట్రిమారన్‌ మరో నిర్మాత. 'కాకా ముట్టై' ఇప్పటికే రెండు జాతీయ అవార్డులు కూడా కొల్లగొట్టింది. అంతర్జాతీయ చిత్రోత్సవాల్లోనూ ప్రదర్శితమైంది. ఇప్పుడు ప్రేక్షకుల మనసు దోస్తోంది.