యూఎస్ మార్కెట్ పై కాష్మోరా పంజా

దీపావళి లాంటి పెద్ద పండగ ఉన్నా.. ఈ శుక్రవారం టాలీవుడ్ లో సరైన స్ట్రైట్ సినిమా ఒక్కటి కూడా రిలీజ్ కాలేదు. దీంతో తమిళ్ డబ్బింగ్ మూవీస్ అయిన కాష్మోరా.. ధర్మయోగిలు మాత్రమే జనాలకు ఆప్షన్ గా మిగిలాయి. యూఎస్ బాక్సాఫీస్ పరిస్థితి కూడా ఇంతే. తెలుగు సినిమాలేవీ లేకపోవడంతో.. ఎక్కువ స్క్రీన్లలో కార్తీ కాష్మోరా ప్రదర్శించగా.. ధర్మయోగికి కూడా చెప్పుకోదగ్గ సంఖ్యలోనే స్క్రీన్స్ దక్కాయి.

టాలీవుడ్ జనాలకు కార్తి బాగా తెలిసిన హీరో కావడంతో.. రెండు రోజుల్లోనే కాష్మోరా 2.50 లక్షల డాలర్లు వసూలు చేసి రికార్డ్ సృష్టించింది. కార్తి రేంజ్ హీరోలకు ఇది చాలా పెద్ద ఫిగర్. అజయ్ దేవగన్ నటించి దర్శకత్వం వహించిన బాలీవుడ్ ముూవీ శివాయ్ కంటే కాష్మోరాకు ఎక్కువగా కలెక్షన్స్ వచ్చాయంటే.. ఈ ఏరియాలో తమిళ్ హీరో కార్తి ఏ రేంజ్ లో ఫేమస్ అనే విషయం అర్ధమవుతుంది. మరోవైపు ధర్మయోగి మాత్రం తొలి వీకెండ్ లో కేవలం 50వేల డాలర్లకే పరిమితం అయి నిరుత్సాహపరిచింది.

ఇక యూఎస్ జనాలకు ఈ వీకెండ్ లో ఫస్ట్ ఛాయిస్ గా బాలీవుడ్ మూవీ యే దిల్ హై ముష్కిల్ ను చెప్పాలి. వీకెండ్ ముగిసేసరికే 2 మిలియన్ డాలర్లను రాబట్టేసిందీ చిత్రం. ఇక అక్కినేని నాగచైతన్య రీసెంట్ హిట్ ప్రేమమ్ కు.. యూఎస్ బాక్సాఫీస్ లో 8.30 లక్షల డాలర్ల దాదాపుగా బిజినెస్ క్లోజ్ అవుతోందని చెప్పచ్చు.

Like Us on Facebook : https://www.facebook.com/Tupakidotcom/