కబీర్ సింగ్ టాక్ ఏంటి ?

ఇవాళ నార్త్ లో భారీ అంచనాలతో అర్జున్ రెడ్డి హిందీ రీమేక్ కబీర్ సింగ్ విడుదలైంది. ఒరిజినల్ వెర్షన్ తీసిన సందీప్ రెడ్డి వంగానే దీన్ని టేకప్ చేయడంతో ఇక్కడా హైప్ బాగానే ఉంది. ఇక టాక్ విషయానికి వస్తే ఆశించినట్టే కబీర్ సింగ్ ను అక్కడి ప్రేక్షకులు పాజిటివ్ గా రిసీవ్ చేసుకుంటున్నారు. ఖాన్ల రేంజ్ లో భీభత్సమైన ఓపెనింగ్స్ రాలేదు కానీ షాహిద్ కపూర్ రేంజ్ కి మార్కెట్ కి చాలా డీసెంట్ గా బుకింగ్స్ ఉన్నట్టు ముంబై ట్రేడ్ నుంచి వినిపిస్తున్న మాట.

ఇవాళ ఉదయం రెండు ఆటలకు యాభై శాతం పైగా ఆక్యుపెన్సి వచ్చిందని అది రేపటికంతా పికప్ అయిపోయి సండే రోజు ప్యాక్డ్ హౌసెస్ చూడొచ్చని అంటున్నారు. ముఖ్యంగా షాహిద్ కపూర్ వన్ మ్యాన్ షోతో పాటు కియారా అద్వానీ ఇన్నోసెంట్ యాక్టింగ్ కు మంచి మార్కులు పడుతున్నాయి ఇక దర్శకత్వం విషయానికి వస్తే లెన్త్ గురించి కొన్ని కామెంట్స్ అయితే వస్తున్నాయి.

కొంచెం తగ్గించాల్సి ఉందని ఇంత నిడివితో నార్త్ ఆడియన్స్ లవ్ స్టోరీస్ ని చూడరని కొందరు అభిప్రాయపడగా స్లో పాయిజన్ లాగా ఇది ప్రేక్షకుల్లో బలమైన ప్రభావం చూపిస్తుందని మరికొందరు అంటున్నారు . మొత్తానికి కొంత టెన్షన్ పెట్టినా కబీర్ సింగ్ బాక్స్ ఆఫీస్ మొదటి ఎగ్జాంలో పాస్ అయ్యాడని ఇనీషియల్ రిపోర్ట్స్ వచ్చేసాయి. ఎలాగూ భారత్ స్లో అయిపోయింది. ఈ రోజు దీనికి ఇంకే పోటీ లేదు. సో కబీర్ సింగ్ ఈ టాక్ ని నిలబెట్టుకుంటే ఇంకో వారం దాకా లోటు లేకుండా వసూళ్లు వచ్చేస్తాయి.