ఫీల్ చెడగొట్టలేదు - ట్రైలర్ టాక్

తెలుగులో పెద్దగా అంచనాలు లేకుండా మొదలై ఫస్ట్ లుక్ పోస్టర్ తో పాటు ట్రైలర్ రూపంలో విపరీతమైన బజ్ తెచ్చుకుని ఆ తర్వాత వచ్చిన అంచనాలు నిలబెట్టుకుంటూ బ్లాక్ బస్టర్ గా నిలిచిన అర్జున్ రెడ్డి గురించి కొత్తగా చెప్పాల్సిన పని లేదు. విజయ్ దేవరకొండకు స్టార్ స్టేటస్ రావడంతో ఇదెంత బలమైన పునాదిగా పనిచేసిందో అందరికి తెలిసిందే. ఇప్పుడు దీని హిందీ రీమేక్ వెర్షన్ కబీర్ సింగ్ జూన్ 21 విడుదలకు రెడీ అవుతోంది.

షాహిద్ కపూర్ కియారా అద్వానీ జంటగా నటించిన ఈ మూవీకి ఒరిజినల్ కు దర్శకత్వం వహించిన సందీప్ రెడ్డి వంగానే బాధ్యతలు తీసుకున్నాడు. ఇక ట్రైలర్ చూస్తే ఫీల్ ఏ మాత్రం మిస్ కాకుండా యాజిటీజ్ ట్రూ కాపీగా కబీర్ సింగ్ ని మలచారు. వీడియో మొదటి సీన్లో డాక్టరైన హీరో తన ఫ్రెండ్ కు ఫోన్ చేసి అమ్మాయిని అడగటంతో మొదలుకుని మన మైండ్ లో అలాగే ప్రింట్ అయిపోయిన అర్జున్ రెడ్డిలోని కల్ట్ సీన్స్ అన్నీ ఇందులో రిపీట్ చేశారు

కబీర్ సింగ్ గా షాహిద్ కపూర్ పాత్రలో పరకాయ ప్రవేశం తీసిన తీరుకి మెచ్చుకోకుండా ఉండలేం. వయసుపరంగా చూసుకుంటే విజయ్ దేవరకొండ కంటే షాహిద్ చాలా పెద్దవాడు. అయినా ఆ ఫీలింగ్ కలగకుండా రెండు వేరియేషన్స్ ని చూపించిన తీరు ఆకట్టుకుంటుంది. బ్యాక్ గ్రౌండ్ స్కోర్ ని సైతం యధాతధంగా వాడుకున్నారు.

షాలిని పాండే పాత్రను కియారా బెరుకు లేకుండా చక్కాగా క్యారీ చేసింది. మిగిలిన నటీనటులను ఎక్కువగా రివీల్ చేయలేదు కానీ లీడ్ పెయిర్ కెమిస్ట్రీ ఆకట్టుకునేలా సాగింది. ఎస్ కె రవిచంద్రన్ ఛాయాగ్రహణం టాప్ స్టాండర్డ్స్ లో ఉంది. తెలుగు వెర్షన్ చూసేసిన వాళ్లకు సైతం ఆసక్తి కలిగేలా ఉన్న సందీప్ టేకింగ్ షాహిద్ కియారాల స్క్రీన్ ప్రెజెన్స్ మొత్తానికి అంచనాలు పెంచేసింది