టీజర్ టాక్: కదంబన్ కేక.. కానీ..

కదంబన్.. ఆర్య హీరోగా నటిస్తున్న ఈ మూవీపై కోలీవుడ్ అంతా ఆసక్తిగా ఉంది. దాదాపు టార్జాన్ కి దగ్గరగా ఉండే రోల్ కోసం.. ఆర్య బోలెడంత కష్టపడుతూ ఈ సినిమా చేస్తున్నాడు. దీపావళి సందర్భంగా ఫస్ట్ లుక్ తో పాటు.. టీజర్ ను కూడా రిలీజ్ చేసింది కదంబన్ యూనిట్.

సిక్స్ ప్యాక్ బాడీతో.. చేతిలో ఓ కర్రతో.. లంగోటి మాత్రం కట్టిన ఆర్య.. కళ్లలోనే క్రూరత్వాన్ని చూపిస్తూ సూపర్బ్ గా ఉన్నాడు. హెయిర్ నుంచి మొత్తం స్టైలింగ్ అదిరిందనే చెప్పాలి. ఓ కొండ అంచుపై ఉన్న రాయిమీద ఆర్య నుంచుంటే.. చుట్టూ ఉన్న అడవిని ఏరియల్ షాట్ తో చూపించడం బాగుంది. ఆ తర్వాత ఏనుగుల మధ్య నుంచి పరిగెడుతున్న ఆర్య కనిపిస్తాడు. టీజర్ లో ఇంతకంటే ఏమీ చూపించకపోయినా.. విజువల్స్ పరంగా కొత్తగా ప్రయత్నిస్తున్నారని అర్ధమవుతోంది.

అయితే.. ఇండియన్ స్క్రీన్ కి కొత్తే అయినా.. ఇలాంటి సీన్స్ గతంలో హాలీవుడ్ సినిమాలో చూసినవే. 10000 బీ.సీ.లో ఇలా అడవి ఏనుగులు జంతువులతో సీన్స్ ఉంటాయి. కాసింత ఇన్ స్పిరేషన్ తీసుకున్న మాట వాస్తవమే అయినా.. ఆర్య ఈ కేరక్టరైజేషన్ ఈ చిత్రానికి హైలైట్ కానుంది.



Like Us on Facebook : https://www.facebook.com/Tupakidotcom/