అడవి వీరుడుగా ఆర్య అదిరాడు

కోలీవుడ్ హీరో ఆర్య నటిస్తున్న లేటెస్ట్ మూవీ కదంబన్. రాఘవ దర్శకత్వంలో రూపొందుతున్న ఈ మూవీ.. ఆర్య కెరీర్ లోనే సంథింగ్ స్పెషల్ గా నిలిచిపోనుంది. కంప్లీట్ గా జంగిల్ బ్యాక్ డ్రాప్ తో ఈ సినిమా తెరకెక్కనుండగా.. ఆర్య పోషిస్తున్న పాత్ర పూర్తిగా అడివికే అంకితం అయిపోయి ఉంటుంది.

ఇప్పుడీ కదంబన్ కు ఫస్ట్ లుక్ రిలీజ్ అయింది. కదంబన్ కోసం విపరీతంగా కండలు పెంచేసి.. తన రూపంలో చాలానే మార్పులను తీసుకొచ్చాడు. గిరిజనుడి పాత్ర కోసం అన్ని రకాలుగాను.. ఛేంజెస్ చూపించాడు. ఒరిజినల్ అడవులకు కాసిన్ని గ్రాఫిక్స్ కూడా మిక్స్ చేసి.. సిక్స్ ప్యాక్ చేసిన అడవి వీరుడుగా చేతిలో కర్ర పట్టుకున్న ఆర్య లుక్ అదిరిపోయిందనే చెప్పాలి. కొడైకెనాల్ అడవులతో పాటు.. థాయ్ ల్యాండ్ లోని దట్టమైన అడవుల్లో ఈ మూవీ షూటింగ్ చేశారు. థాయ్ ల్యాండ్ లో 50 ఏనుగులతో ఆర్య చేసిన ఫైట్ ఈ చిత్రానికి హైలైట్ కానుంది. ప్రధానంగా విజువల్స్ ఈ చిత్రానికి స్పెషల్ కానున్నాయని కోలీవుడ్ జనాలు అంటున్నారు.

కేథరిన్ థ్రెసా హీరోయిన్ గా నటించిన కదంబన్ చిత్రాన్ని సూపర్ గుడ్ ఫిలిమ్స్ బ్యానర్ పై ఆర్బీ చౌదరి నిర్మిస్తుండగా.. యువన్ శంకర్ రాజా మ్యూజిక్ ఇస్తున్నాడు. ఇప్పటికే దాదాపు షూటింగ్ పూర్తికావచ్చిన ఈ చిత్రాన్ని తెలుగులోకి తెచ్చేందుకు ప్రయత్నాలు జరుగుతున్నాయి.

Like Us on Facebook : https://www.facebook.com/Tupakidotcom/