కాజల్‌ మళ్లీ ఓకే చెప్పింది!

ఈమద్య కాలంలో సీనియర్‌ హీరోయిన్స్‌ లేడీ ఓరియంటెడ్‌ చిత్రాలకు ఓకే చెబుతున్న విషయం తెల్సిందే. అనుష్క - త్రిష - శ్రియ - నయనతార ఇలా పలువురు హీరోయిన్స్‌ ఓరియంటెడ్‌ చిత్రాలు చేసి ప్రేక్షకులను అలరించారు. స్టార్‌ హీరోలతో ఛాన్స్‌లు తగ్గిన సమయంలో హీరోయిన్‌ ఓరియంటెడ్‌ చిత్రాలకు ముద్దుగుమ్మలు ఓకే చెబుతున్నారు. కాజల్‌ ప్రస్తుతం తెలుగులో రెండు చిత్రాల్లో - తమిళంలో క్వీన్‌ రీమేక్‌ లో నటిస్తూ ఉంది. తాజాగా ఈమె మరో హీరోయిన్‌ ఓరియంటెడ్‌ చిత్రానికి ఓకే చెప్పినట్లుగా సినీ వర్గాల ద్వారా సమాచారం అందుతుంది.

‘అర్థనారి’ చిత్రంతో పాటు మరికొన్ని చిత్రాలను తెరకెక్కించి ప్రేక్షకులను అరించడంలో విఫలం అయిన దర్శకుడు భాను శంకర్‌ చౌదరి తాజాగా కాజల్‌ కు ఒక హీరోయిన్‌ ఓరియంటెడ్‌ స్టోరీ లైన్‌ ను వినిపించినట్లుగా తెలుస్తోంది. స్టోరీ లైన్‌ కు ఇంప్రెస్‌ అయిన కాజల్‌ పూర్తి స్క్రిప్ట్‌ ను సిద్దం చేయాల్సిందిగా దర్శకుడికి సూచించిందని సమాచారం. స్క్రిప్ట్‌ పూర్తి అయిన తర్వాత తుది నిర్ణయం తీసుకునే అవకాశం ఉంది. పక్కాగా స్క్రిప్ట్‌ తో వస్తే తప్పకుండా కాజల్‌ హీరోయిన్‌ ఓరియంటెడ్‌ చిత్రానికి ఓకే చెప్పే అవకాశం ఉందని ఆమె సన్నిహితులు చెబుతున్నారు. ఇప్పటికే క్వీన్‌ రీమేక్‌ చేస్తున్న కాజల్‌ మళ్లీ హీరోయిన్‌ ఓరియంటెడ్‌ సబ్జెక్ట్‌ కు ఓకే చెప్పిందని తెలుస్తోంది.

కాజల్‌ ఇప్పటి వరకు గ్లామర్‌ రోల్స్‌ చేస్తూ వచ్చింది. కొన్ని సినిమాల్లో సీరియస్‌ పాత్రల్లో నటించినా కూడా ఆమెకు గ్లామర్‌ బ్యూటీగా ఎక్కువ పేరు దక్కింది. అందుకే ఇకపై తనలోని కొత్త యాంగిల్‌ ను చూపించాలని కాజల్‌ భావిస్తున్నట్లుగా సమాచారం. అందుకే వరుసగా హీరోయిన్‌ ఓరియంటెడ్‌ చిత్రాలకు గ్రీన్‌ సిగ్నల్‌ ఇస్తున్నట్లుగా సమాచారం అందుతుంది. ప్రస్తుతం కాజల్‌ తెలుగులో తేజ దర్శకత్వంలో ఒక చిత్రం చేయడంతో పాటు - మరో సినిమా చర్చల దశలో ఉంది. ఇక శర్వానంద్‌ చిత్రంలో గెస్ట్‌ గా కనిపించబోతుంది. మరో వైపు బాలీవుడ్‌ సూపర్‌ హిట్‌ చిత్రం క్వీన్‌ తమిళ రీమేక్‌ లో కూడా ఈమె నటిస్తుంది.