ఏంటి కాజల్‌ కూడా పోటీయేనా?

అంతేగా మరి.. ఒక్కసారి మాస్‌ లోకి మూవీ వెళ్ళిన తరువాత ఇక కాజల్‌ కూడా పోటీగానే వస్తుంది. ఈరోజు విడుదలవుతున్న సినిమాల్లో అల్లరి నరేష్‌ ''జేమ్స్‌ బాండ్‌'' ఒకటి, మరొకటి తమిళ స్టార్‌ విజయ్‌ హీరోగా రూపొందిన ''జిల్లా'' సినిమా. ఈ రెండు సినిమాల్లోనూ మెయిన్‌ ఎట్రాక్షన్స్‌ ఏమైనా ఉన్నాయా అంటే.. అవి హీరోయిన్ల తరుపునుండి వస్తున్నవే.

హీరోల సంగతి పక్కనెట్టేస్తే, ఈ హీరోయిన్ల కారణంగా కాస్త ప్రాబ్లమ్‌ తలెత్తే చాన్సుంది. తమిళ స్టార్స్‌ లో అస్సలు ఏ మాత్రం క్రేజ్‌ అనేది పెద్దగా లేని స్టార్‌ విజయ్‌. నిజానికి అల్లరి నరేష్‌ మార్కెట్‌ మనోడి మార్కెట్‌ కంటే టాలీవుడ్‌ లో చాలా పెద్దది. ఇకపోతే అల్లరి నరేష్‌ జేమ్స్‌ బాండ్‌ సినిమాలో మనోడి వేషాలకంటే ఆ హీరోయిన్‌ సాక్షి చౌదరి ఉంది చూశారూ.. ఆమె వేషాలే ఎక్కువగా కనిపిస్తున్నాయి. సో, అమ్మడి కోసం ధియేటర్స్‌ వరకు వచ్చే జనాలు చాలామంది ఉంటారు.

అదే రూటులో జిల్లా సినిమా పోస్టర్ల లో కాజల్‌ అందాలను చూసి కూడా టిక్కెట్లు తెగే ఛాన్సుంది. అసలు కాజల్‌ వర్సెస్‌ సాక్షి చౌదరి అనే కంపారిజన్‌ వస్తే మాత్రం మనోళ్ళ కాజల్‌ వైపే ఎక్కువగా మొగ్గుచూపుతారని ఓ టాక్‌. అలాంటప్పుడు కాజల్‌ కూడా అల్లరి నరేష్‌ సినిమాకు ఓ విధంగా పోటీయే గా మరి. చూద్దాం ఈ రెండు సినిమాల్లో ఎవరిది అప్పర్‌ హ్యాండ్‌ అవుతుందో...