తెలుగు ఊసులే వద్దంటున్న కాజల్‌

తెలుగులో అవకాశాలు రావడం లేదో, లేక ఇక్కడ నటించడం ఆమెకే ఇష్టం లేదో తెలియదు కానీ... కాజల్‌ మాత్రం ఇతర భాషలపైనే ఎక్కువ మక్కువ చూపుతున్నట్టు కనిపిస్తోంది. అయితే హిందీ లేదంటే తమిళం అన్నట్టుగా ఉంది ఆమె వాలకం. తెలుగులో అరకొరగానే నటిస్తోంది. ఇటీవల ఆమె నటించిన 'గోవిందుడు అందరివాడేలే', 'టెంపర్‌'... రెండూ మంచి చిత్రాలే. వాటిలో కాజల్‌ కనినించిన విధానం, దర్శకులు ఆమెని చూపించిన విధానం.. అన్నీ బాగానే ఉన్నాయి. అయినా సరే... కోలీవుడ్‌కి మకాం మార్చేసింది. ఇక కొన్నాళ్లపాటు తెలుగు ఊసులే లేవంటోంది.

ఇక్కడ ఆమెకి సరైన అవకాశాలు లభించకపోవడం వల్లే కోలీవుడ్‌వైపు మొగ్గు చూపుతోందని కొందరంటుంటే... తెలుగులో వస్తున్న కథలు ఆమెకి నచ్చడం లేదని మరికొందరంటున్నారు. కారణమేమిటో మనకు పక్కాగా తెలియదు కానీ.. కాజల్‌ ప్రస్తుతం కోలీవుడ్‌లో మాత్రం ఖుషీఖుషీగా గడుపుతోంది. ఆమె అక్కడ మూడు చిత్రాల్లో నటిస్తోంది. విశాల్‌తో ఓ చిత్రం, ధనుష్‌తో ఓ చిత్రం... కొత్తగా విక్రమ్‌తోనూ ఓ సినిమా చేయడానికి కమిట్‌ అయ్యింది. ఈ మూడూ మంచి సినిమాలే అనీ, ముఖ్యంగా విక్రమ్‌తో కలిసి తెరను పంచుకొంటుండడం చాలా ఎక్సైటింగ్‌ ఉందనీ కాజల్‌ చెప్పుకొచ్చింది. అన్నట్టు కాజల్‌ హిందీలోనూ సినిమాలు చేసేందుకు ప్లాన్‌ చేసుకొంది. అక్కడ మూడు చిత్రాల్ని లైన్‌లో పెట్టినట్టు తెలుస్తోంది.