ఫోటో స్టోరీ: నలుపు దుస్తుల్లో.. మాల్దీవ్స్ లో

టాలీవుడ్ చందమామ కాజల్ అగర్వాల్ ఎంత సీనియర్ అయినా ఇప్పటికీ నవతరం భామలతో పోటీ పడుతోంది. అటు ఆఫర్ల విషయంలోనూ ఇటు గ్లామర్ విషయంలోనూ కాజల్ ఇప్పటికీ తన సత్తా చాటుతోంది. న్యూ జెనరేషన్ భామల దీటుగా హాట్ ఫోటోలు పోస్ట్ చేస్తూ ఇన్స్టాగ్రామ్ ను మరింత రంగులమయంగా మర్చే మిషన్లో తెగ బిజీగా ఉంది.

కాజల్ ఎప్పుడూ తన కెరీర్లో బిజీగా ఉంటుంది. అయితే ఏమాత్రం ఖాళి సమయం చిక్కినా సరే ఏదో ఒక ఫారెన్ లొకేషన్ లో సూపర్ వెకేషన్ ప్లాన్ చేసుకుంటుంది. ప్రస్తుతం మాల్దీవ్స్ కు తన గ్లామర్ టచ్ ఇస్తోంది. మాల్దీవ్స్ లో బీచ్ వాటర్ లో రిసార్టులు చాలా ఫేమస్. బాలీవుడ్ లేటు వయసు ఘాటు బ్యూటీలయిన మందిరా బేడీలాంటి వారు ఎప్పుడూ ఇక్కడికి హాలిడే ట్రిప్ వేసుకుంటూ ఉంటారు. ఈ సారి కాజల్ అక్కడే తన హాలిడే ఎంజాయ్ చేస్తోంది. అక్కడ నుంచి ఒక ఫోటో తన ఇన్స్టా ఖాతా ద్వారా పోస్ట్ చేసి "రీతి ఫరు రిసార్ట్.. మాల్దీవ్స్" అంటూ క్యాప్షన్ ఇచ్చింది. ఇక ఫోటోలో కాజల్ నలుపు రంగు దుస్తులు ధరించి వాటర్ లో ఉన్న రిసార్టుల మధ్య వాక్ వే పై వెనక్కు తిరిగి నిలుచుంది. రెండూ చేతులను అడ్డంగా చాపింది. చందమామను ఎప్పుడూ ఫ్రంట్ నుంచే చూడగలం. ఈ సారి బ్యాక్ వ్యూ.. హాఫ్ ఓపెన్ బ్యాక్ వ్యూ. అదే ఈ ఫోటోలో స్పెషల్.

ఈ ఫోటోను చూడడం ఆలస్యం.. నెటిజన్లు కామెంట్లతో రెచ్చిపోయారు. "ఖతర్నాక్ గా ఉంది".. "కూల్ ప్లేస్ లో హాట్ బ్యూటీ".. "కాజల్ ఆన్ ఫైర్" అంటూ కొందరు కామెంట్లు పెట్టారు.. అయితే ఒకరు మాత్రం "కంపెనీ ఎవరో చెప్పవా" అని చిలిపి ప్రశ్న సంధించారు. కాజల్ సినిమాల విషయానికి వస్తే కమల్ హాసన్-శంకర్ సినిమా 'ఇండియన్ 2' లో నటిస్తోంది. హిందీలో 'ముంబై సాగా' లో నటిస్తోంది. ఇంగ్లీష్ - తెలుగు ద్విభాషా చిత్రం 'మోసగాళ్ళు' లో కూడా నటిస్తోంది.