కాజ‌ల్ పెళ్లి చేసుకొంటోంది!

అవునా? మ‌న చంద‌మామ కాజ‌ల్ పెళ్లి చేసుకోబోతోందా? ఎవ‌ర్ని? ఎప్పుడు? అరేంజ్డ్ మేరేజా? ల‌వ్ మేరేజా? ప్ర‌స్తుతం మీ మ‌న‌సులో ఇలాంటి సందేహాలే వ్య‌క్త‌మ‌వుతున్నాయి క‌దూ! నిజంగానే కాజ‌ల్ పెళ్లి పీట‌లెక్కింది. అయితే అది సినిమా కోస‌మే. ఇంత‌కీ వ‌రుడు ఎవ‌రో తెలుసా? మ‌న ప‌వ‌న్‌క‌ళ్యాణ్‌. సెట్స్‌ పై ఉన్న స‌ర్దార్ గ‌బ్బ‌ర్‌సింగ్ కోసమే ప‌వ‌న్‌ - కాజ‌ల్ పెళ్లి చేసుకుంటున్నార‌న్న‌మాట‌. ప్ర‌స్తుతం రామోజీ ఫిల్మ్‌ సిటీలో అందుకు సంబంధించిన స‌న్నివేశాల్ని చిత్రీక‌రిస్తున్నారు. గ‌బ్బ‌ర్‌ సింగ్‌ లోనూ ప‌వ‌న్‌ - శ్రుతిల‌కి సంబంధించి పెళ్లి సన్నివేశం ఉంటుంది. ఇప్పుడు అదే త‌ర‌హాలోనే స‌ర్దార్ లోనూ ఓ స‌న్నివేశం తీస్తున్నార‌న్న‌మాట‌. ఇటీవ‌లే చిత్ర‌బృందం గుర్రాల మేళా ఉంటుంద‌నీ, వంద గుర్రాలు, కార్లు... వేల మంది జూనియ‌ర్ ఆర్టిస్టుల మ‌ధ్య షూటింగ్ అంటూ ప్ర‌క‌ట‌న ఇచ్చేసింది.

దీంతో ప్ర‌స్తుతం యాక్ష‌న్ స‌న్నివేశాలు తీస్తున్నారేమో అని ఊహించారంతా. కానీ చిత్ర‌బృందం మాత్రం అందుకు డిఫ‌రెంట్‌ గా పెళ్లి స‌న్నివేశాల్ని తీస్తోంది. ఆ స‌న్నివేశాలు పూర్త‌య్యాకే గుర్రాల‌తోనూ, కార్ల‌తోనూ యాక్ష‌న్ స‌న్నివేశాలు తీస్తారు. ఆ ప్ర‌ధాన ఘ‌ట్టాల చిత్రీక‌ర‌ణ అయ్యాక ఇక ప‌వ‌న్ చ‌లో ఫారిన్ అంటారు. విదేశాల్లోని ప‌లు ప్రాంతాల‌కి వెళ్లి మిగిలిన రెండు పాట‌లు కంప్లీట్ చేసుకొస్తారు. ఆ త‌ర్వాత సినిమా విడుద‌లే. రిలీజ్‌ డేట్ కూడా బ‌య‌టికొచ్చేసింది కాబ‌ట్టి చిత్ర‌బృందం వేగం పెంచేసింది. టార్గెట్లు పెట్టుకొని ప‌ని చేస్తోంది. ప‌వ‌న్ క‌ళ్యాణ్ క‌నుస‌న్న‌ల్లోనే ఈ సినిమా ప‌నులన్నీ జ‌రుగుతున్నాయి. బాబీ ద‌ర్శ‌క‌త్వం వ‌హిస్తున్న ఈ చిత్రంలో కాజ‌ల్‌తోపాటు, ల‌క్ష్మీరాయ్ కూడా కథానాయికగా న‌టిస్తోంది.