ఫోటో స్టొరీ: మెరూన్ లో మెస్మరైజ్ చేస్తోందే

దశకుడు కృష్ణవంశీ రూపొందించిన 'చందమామ' హీరోయిన్ కాజల్ అగర్వాల్ కు ఫస్ట్ హిట్. అప్పటి నుంచి కాజల్ ను టాలీవుడ్ లో చందమామ అనడం మొదలు పెట్టారు. ఇండస్ట్రీ కి వచ్చి 15 ఏళ్ళు ఆయినా ఇంకా అదే గ్లామర్.. ఫిట్నెస్ ను మెయిన్టెయిన్ చెయ్యడం ఒక ఎత్తైతే.. ఇప్పటికీ క్రేజీ ప్రాజెక్టులలో హీరోయిన్ గా ఎంపిక కావడం ప్రేక్షకులను మెప్పిస్తూ ఉండడం చెప్పుకోదగ్గ విషయాలు.

అందరో బ్యూటీల మాదిరిగానీ కాజల్ కూడా సోషల్ మీడియా తాట తీయడంలో దిట్ట.. గ్లామరస్ పోజుల పుట్ట. కొంచెం గ్యాప్ దొరికితే చాలు ఒక కత్తి లాంటి డ్రెస్ వేసుకొని ఫోటోషూట్ చేస్తుంది. వాటిని క్షణం ఆలస్యం చేయకుండా తన ఇన్స్టా ఖాతా ద్వారా షేర్ చేసి అభమానులను థ్రిల్ చేస్తుంటుంది. అదేట్రెండ్ కొనసాగిస్తూ తాజాగా ఒక ఫోటో పోస్ట్ చేసింది. దీనికి ఆమె ఇచ్చిన క్యాప్షన్ జస్ట్ రెండు లవ్ సింబల్స్. మెరూన్ కలర్ గౌన్ లో ఎంతో అందంగా కూర్చుంది. ఇంతకీ కుర్చీనో స్టూలో ఉండాలి కదా అని అడక్కండి. ఆమె కూర్చున్న పొజిషన్ బట్టి వెనక ఒక స్టూలు ఉండాలి. లేకపోతే ఈమధ్య వచ్చిన టెంత్ రిజల్ట్ లో మార్కులు తక్కువ వచ్చిందుకు కార్పోరేట్ స్కూల్ వారు కాజల్ కు అలా గోడకుర్చీ లాంటి శిక్ష ఏమైనా వేస్తారా ఏంటి?

చేతివేలికి ఒక రింగు తప్ప ఇతర యాక్సెసరీస్ ఏవీ ధరించకుండా ఎంతో సింపుల్ గా పోజిచ్చినా కాజల్ మాత్రం చక్కని చుక్కలాగే ఉంది. అందుకే ఈ ఫోటోకు 12 గంటల్లోనే మూడున్నర లక్షల లైకులు.. 1500 లకు పైగా కామెంట్స్ వచ్చాయి. ఈ ఫోటోను సౌత్ లో మరో హాట్ బ్యూటీ అమలా పాల్ కూడా లైక్ చేయడం గమనార్హం.

కాజల్ సినిమాల విషయానికి వస్తేతమిళంలో 'ప్యారిస్ ప్యారిస్'..'కోమలి' సినిమాల్లో నటిస్తోంది. కమల్ హాసన్ 'ఇండియన్ 2' లో కూడా కాజల్ అగర్వాల్ హీరోయిన్. తెలుగులో అయితే తేజ - బెల్లంకొండ శ్రీనివాస్ చిత్రం 'సీత' లో నటిస్తోంది. ఈ సినిమాతో పాటుగా శర్వానంద్ -సుధీర్ వర్మ సినిమాలో కూడా యాక్ట్ చేస్తోంది.