స్కూల్ పిల్ల‌లా హోలీ ఆట‌లేమిటి చందామామా!

స్కూల్ పిల్ల‌లు మైమ‌రిచి ఆడుకుంటే చూసేవాళ్ల‌కు ముద్దొచ్చేస్తుంటారు. క్యూట్ గా చ‌బ్బీగా స్కూల్ డ్రెస్ లో ఆట పాట‌ల్లో మునిగి తేలితే.. అందునా రంగులు పూసుకుని హోలీ ఆడేస్తే.. ఆ సీనే ఎంతో ప్లెజెంట్ గా ఉంటుంది క‌దా! ఇదిగో ఇక్క‌డ చంద‌మామ కాజ‌ల్ ని చూస్తుంటే అలానే ఆట‌లాడి ఫుల్ గా ఎంజాయ్ చేసిన‌ట్టు క‌నిపిస్తోంది.

అయితే కాజ‌ల్ మ‌రీ అంత‌గా రెచ్చిపోవ‌డానికి కార‌ణ‌మేమిటా? అని ఆరా తీస్తే.. హోలీ సంద‌ర్భంగా కాజ‌ల్ త‌న కుటుంబం చెంత‌కు చేరి హోలీని ఎంతో వైభ‌వంగా జ‌రుపుకుంది. అమ్మ నాన్న చెల్లి బావ‌.. త‌న చెల్లి నిషా కుమారుడు ఇషాన్ వ‌లేచా ఇంత‌మందితో హోలీని ఫుల్ గా చిలౌట్ చేసింది. ఇక కాజ‌ల్ రంగులు పూసుకుని ఉన్న‌ప్పుడు ఏదో హైస్కూల్ పిల్ల అప్పుడే హోలీ ఆడిందా? అన్న‌ట్టు ఎంతో క్యూట్ గా ల‌వ్ లీగా క‌నిపిస్తోంది. అదేదో స‌న్ ఫ్ల‌వ‌ర్ స్కూల్ యూనిఫామ్ నేచుర‌ల్ బ్యూటీని ఇనుమ‌డించింది. మేక‌ప్ అన్న‌దే లేకుండా చంద‌మామ‌ ఎంతో లైవ్ లీగా క‌నిపిస్తోంది.

కాజ‌ల్ ని ఇలా చూస్తుంటే ఏదైనా స్కూల్ కాలేజ్ ల‌వ్ స్టోరీకి ద‌ర్శ‌కులు ఎంపిక చేసుకున్నా ఆశ్చ‌ర్య‌పోన‌క్క‌ర్లేదు. 30 ప్ల‌స్ లోనూ ఇంకా టీనేజీ గాళ్ నే త‌ల‌పిస్తోంది. ఇంకా చెప్పాలంటే నిషా అగ‌ర్వాల్ కంటే త‌క్కువ ఏజ్ కి షిఫ్ట‌యిన‌ట్టే క‌నిపిస్తోంది. ప్ర‌స్తుతం కాజ‌ల్ కెరీర్ ని ప‌రిశీలిస్తే.. క‌మ‌ల్ హాస‌న్ స‌ర‌స‌న భార‌తీయుడు 2లో న‌టిస్తోంది. దాంతో పాటే మంచు విష్ణు `మోసగాళ్లు`లో కీల‌క పాత్ర‌ను పోషిస్తోంది. మ‌రిన్ని సినిమాల‌కు క‌మిటైనా వాటికి సంబంధించిన‌ వివ‌రాలు పూర్తిగా వెల్ల‌డి కావాల్సి ఉంది.