కాజల్ చేతిలో మరో క్రేజీ ప్రాజెక్ట్

సీనియర్ హీరోయిన్ అయినా కాజల్ అగర్వాల్ జోరు ఏమాత్రం తగ్గడం లేదు.. పోయినేడాది మెగాస్టార్ చిరంజీవి రీ ఎంట్రీ సినిమా 'ఖైది నెంబర్ 150' సినిమా తో ఫుల్ ఫాం లో కి వచ్చిన కాజల్ కు రానా తో నటించిన 'నేనే రాజు నేనే మంత్రి' తో మరో హిట్ తగిలింది. ప్రస్తుతం తేజ డైరెక్షన్ లో బెల్లంకొండ శ్రీనివాస్ హీరోగా తెరకెక్కుతున్న సినిమాలో హీరోయిన్ గా నటిస్తోంది. ఇక తాజాగా కాజల్ కు మరో బంపర్ ఆఫర్ తగిలింది.

శంకర్ దర్శకత్వంలో కమల్ హాసన్ హీరో గా తెరకెక్కనున్న 'భారతీయుడు' సీక్వెల్ లో హీరోయిన్ గా కాజల్ ను ఫైనలైజ్ చేశారట. ప్రస్తుతం రెమ్యూనరేషన్ విషయంలో చర్చలు సాగుతున్నాయట. క్రేజీ ప్రాజెక్టు కాబట్టి కాజల్ ఎలాగూ ఈ ఆఫర్ ను వదులుకోదని మనం ఫిక్స్ అయిపోవచ్చు. కాకపొతే ఈ సినిమాలో కమల్ డబల్ రోల్ చేస్తున్నాడు.. మరి కాజల్ పెద్ద కమల్ హాసన్ కు జోడీగా నా లేదా యంగ్ కమల్ క్యారక్టర్ కు జతగానా అన్నది క్లారిటీ లేదు. ఏదేమైనా కమల్ హాసన్ లాంటి లెజెండరీ నటుడి తో కలిసి నటించే అవకాశం లేటుగా అయినా దొరకడం అదృష్టమే అని చెప్పుకోవాలి.

వయసు మళ్ళిన స్టార్ హీరోలకు సూటయ్యే హీరోయిన్లు దొరకడం కష్టంగా ఉంది. దీంతో కాజల్ అగర్వాల్ లాంటి సీనియర్ హీరోయిన్లకు ఇప్పుడు డిమాండ్ ఉంది. ఒకవైపు బెల్లంకొండ శ్రీనివాస్ లాంటి యువ హీరోలతో నటిస్తూ మరోవైపు కమల్ లాంటి సీనియర్ హీరోలను కవర్ చేసూ కాజల్ తన కెరీర్ ను సూపర్ గా బ్యాలన్స్ చేసుకుంటోంది కదా?