మ్యాటర్‌ అంతా లీక్‌ చేసింది కాజలే

ఇంతకీ బ్రహ్మోత్సవం సినిమాకు సంబంధించిన అప్‌ డేట్స్‌ అన్నీ సడన్‌ గా అసలు జనాలకు ఎలా తెలిసిపోతున్నాయ్‌? ఎవరు పడితేవారు ఎలా ఈ సినిమా గురించి అనేక అప్ డేట్లు షేర్‌ చేసేసుకున్నారు? అసలు అన్నేసి ఫోటోలు ఎలా లీక్‌ అయిపోయాయ్‌? దీనంతటికీ కారణం ఒకే ఒక్క హీరోయిన్‌. పదండి చూసేద్దాం.

మొన్న గుజరాత్‌ లో సర్దార్‌ సినిమా షూటింగ్‌ జరుగుతున్నప్పుడు.. అక్కడ నుండి తన అందచందాలను ప్రదర్శిస్తూ సాంగ్‌ షూటింగ్‌ జరుగుతోంది అంటూ కొన్ని ఫోటోలను షేర్‌ చేసుకుంది కాజల్‌ అగర్వాల్‌. కట్‌ చేస్తే ఈ ముద్దుగుమ్మకు ఇప్పుడు చేతిలో సినిమాలు పెద్దగా లేకపోవడంతో సెల్ఫ్‌ పబ్లిసిటీ ఎక్కువైపోయింది కాబోలు.. అమ్మడు బ్రహ్మోత్సవం విషయంలో కూడా అదే రిపీట్‌ చేసింది. ఊటి వెళ్ళగానే గాల్లో తేలుతూ ఒక ఫోటో.. అక్కడి నుండి మరిన్ని ఫోటోలు తన సోషల్ నెట్ వర్క్‌ పేజీలో పెట్టింది. అంతేనా.. ఈమెను చూసి ప్రణీత వంటి ఇతర భామలు కూడా ఇన్సపయిర్‌ అయ్యేలా చేసింది. దానితో ఒకేసారి బ్రహ్మోత్సవం షూటింగ్‌ స్పాట్‌ నుండి చాలా ఫోటోలు బయటకొచ్చేశాయి.

మొత్తానికి ఏదో ఊటీలో షూటింగ్‌ చేస్తున్నాం అని ప్రెస్‌ కు కేవలం ఒక నోట్‌ మాత్రమే పంపిన బ్రహ్మోత్సవం టీమ్‌.. కాజల్‌ దెబ్బకి ఫోటోలతో సహా దొరికిపోయారు. అమ్మడికి ఎంతటి పబ్లిసిటీ పిచ్చి పట్టేసిందో చూడండి.