మంచులో మత్తెక్కిస్తున్న సర్దార్ సుందరి

పవర్ స్టార్ పవన్ కళ్యాణ్ మూవీ సర్దార్ గబ్బర్ సింగ్ లో హీరోయిన్ కాజల్ అగర్వాల్.. తన అందాలతో ప్రేక్షకులకు విందు చేయనుంది. తొలిసారిగా పవన్ తో జత కట్టిన ఈ భామ.. పాటల్లో తన వయ్యారాలను ఓ రేంజ్ లో ప్రెజెంట్ చేసిందని అర్ధమైపోతోంది. రీసెంట్ గా స్విట్జర్లాండ్ వెళ్లి గడ్డ కట్టించే చలిలోనే షూటింగ్ చేసేసింది.

తాజాగా స్విట్జర్లాండ్ లోని సుందరమైన ప్రాంతాల్లో సర్దార్ గబ్బర్ సింగ్ మూవీకి రెండు పాటలను పిక్చరైజ్ చేశారు. పవన్ స్వయంగా తానే ఈ పాటల చిత్రీకరణను పర్యవేక్షించాడు. వీటిలో ఒక సాంగ్ కు సంబంధించిన ఫోటో ఇప్పుడు బయటకు వచ్చింది. మంచుకొండల్లో మెరిసిపోయే దుస్తుల్లో... తన మత్తెక్కించే అందాలను ప్రదర్శిస్తూ కాజల్ మిలమిల్లాడుతోంది.

స్క్రీన్ పై చూసేందుకు ఇలాంటి సీనరీలు చాలా అందంగా ఉంటాయి కానీ.. అలాంటి లేత ఉల్లిపొరల్లాంటి దుస్తుల్లో గడ్డ కట్టించే చలిలో నటించడం అంటే.. భామలకు సాధారణమైన కష్టం కాదు. అయినా సరే అభిమానులను ఆనందింప చేయడానికి ఇలా కష్టపడిపోతుంటారు. ఏప్రిల్ 8న సర్దార్ గబ్బర్ సింగ్ విడుదల కానుండగా.. ప్రచార కార్యక్రమాలు ఇప్పటికే ప్రారంభమైపోయాయి.