బికినీ మాత్రం నా వల్ల కాదు

ఒంపుసొంపుల ఒయ్యారాలతో.. ఇప్పటివరకు తెలుగు వారికి మత్తెక్కిస్తున్న సుందరి.. మన చందమామ కాజల్‌ అగర్వాల్‌. అయతే ఈ మధ్య ఎక్సపోజింగ్‌ గురించి కామెంట్లు చేస్తూ మాత్రం.. ఏదో వేదాంతం చెబుతోంది.

''కొంతమంది బికినీ వేసుకుంటే చాలా బాగుంటారు. వారిని అలా చూస్తే మనకు ముచ్చటేస్తుంది. కాని నాది బికినీకి సరిపోయే బాడీ కాదు. అందుకని నేను బికినీల గురించి బ్యాడ్‌ గా కామెంట్‌ చేయను కాని.. నేను మాత్రం వేసుకోలేను అని చెబుతుంటా'' అంటూ సెలవిచ్చిందీ సుందరి. అయితే పొట్టి బట్టలు కూడా తనకు పెద్దగా నప్పవట. అందుకే వేసుకోదట. ఛ నిజమా? దాదాపు ప్రతీ సినిమాల్లోనూ పొట్టి బట్టల్లో పాటల్లో అల్లల్లాడిస్తుంటుంది కాజల్‌. నాభి సొగసలు.. క్లీవేజ్‌ హొయలు.. వన్నె తెచ్చే ఒంపుసొంపుల భంగిమలతో వెండితెరను సోకులతో అభిషేకం చేస్తుంది. ఇప్పుడు సడన్‌ గా ఈ కామెంట్లు ఏంటమ్మా బుల్లెమ్మా?

ఇక ''సర్దార్'' సినిమా అమ్మడికి నిరాశనే మిగల్చగా.. ఇప్పుడు బ్రహ్మోత్సవం రిలీజ్‌ కోసం వెయిట్‌ చేస్తోంది. ఆ తరువాత రానా తో ఒకటి.. సందీప్‌ కిషన్‌ తో మరొక సినిమా చేయనుంది కాజల్.