మ‌హేష్ అందం గురించి కాజ‌ల్ ఏమందంటే?

హీరోయిన్ల గ్లామ‌ర్ గురించి హీరోలు చెబుతుంటారు. కానీ మ‌హేష్ సినిమా విష‌యానికొచ్చేస‌రికి ఆ వ్య‌వ‌హారం రివ‌ర్స్ అవుతుంటుంది. మ‌హేష్ గ్లామ‌ర్ గురించి హీరోయిన్ల అభిప్రాయ‌మేంటో తెలుసుకొంటుంది మీడియా. మ‌హేష్‌ ని అంద‌గాడు అని ఊరికే అన‌లేదు మ‌రి! హీరోయిన్లు కూడా మ‌హేష్ గురించి ఏదైనా అడ‌గ్గానే ఆయ‌న గ్లామ‌ర్ గురించే చెప్ప‌డం మొద‌లుపెడ‌తారు. కాజ‌ల్ కూడా అదే చేసింది.

ఇటీవ‌ల ఓ ఇంట‌ర్వ్యూ లో ఆమె మాట్లాడుతూ మ‌హేష్ అందం రోజు రోజుకీ పెరుగుతోంది, మ‌రింత యువ‌కుడిగా మారిపోతున్నాడ‌ని కామెంట్ చేసింది. గ్లామర్‌ లోనేనా - ఇంకా వేరే విష‌యాల్లో ఏమీ కొత్త‌గా గ‌మ‌నించలేదా? అని అడిగితే న‌టుడిగా కూడా ఆయ‌న రాటుదేలిపోయాడ‌ని చెప్పుకొచ్చింది. ఇదివ‌ర‌కు మ‌హేష్‌ - కాజ‌ల్ క‌లిసి బిజినెస్ మేన్‌ లో న‌టించారు. ఆ చిత్రం ఘ‌న విజ‌యం సాధించింది. కాజ‌ల్ కూడా అందులో అందంగా క‌నిపించింది. సూప‌ర్ జోడీ అని పేరు తెచ్చుకొన్నారు ఇద్ద‌రూ. బ్ర‌హ్మోత్స‌వం చూశాక మ‌రోసారి అదే మాటంటార‌ని చెబుతోంది.

అయినా ముగ్గురు హీరోయిన్లు ఉండ‌గా మీకు అంత గుర్తింపు వ‌స్తుందా అని కాజ‌ల్‌ని అడిగితే... ``నేను ఇద్ద‌రు హీరోయిన్లున్న సినిమాలే ఎక్కువ‌గా చేశా. వాటితోనే ఎక్కువ‌గా గుర్తింపు వ‌చ్చింది. సినిమాలో ఎంత మంది హీరోయిన్లు ఉన్నార‌న్న‌ది కాదు, మ‌నం ఎలా క‌నిపించామ‌న్న‌ది ముఖ్యం. నేనైతే బ్ర‌హ్మోత్స‌వం విష‌యంలో చాలా సంతృప్తిగా వున్నా. ఇలా ముగ్గురు హీరోయిన్లున్న సినిమాలు ఎన్ని వ‌చ్చినా చేయాల‌ని ఫిక్స్ అయ్యా`` అని చెప్పుకొచ్చింది కాజ‌ల్‌. బ్ర‌హ్మోత్స‌వం సినిమాని త‌న‌వంతుగా సోష‌ల్ నెట్వ‌ర్కింగ్ సైట్ల‌లో బాగానే ప్ర‌మోట్ చేస్తోంది కాజ‌ల్‌.