ఇకపై పక్కా లోకల్ పాటల్లేవ్..!

ఐటెం నెంబర్ లేని మాస్ సినిమా గరం మసాలా మిస్సైన బిర్యాని లాంటిది. అందుకనే మన టాలీవుడ్ తత్వవేత్తలు ఎప్పుడూ మాస్ సినిమాలో మసాలా ఐటెం సాంగ్ ను మిస్ చేయరు. అందుకోసం అప్సరసల్లాంటి భామలకు తక్కువరోజులు షూటింగ్ అయినా సరే లక్షల కొద్దీ డబ్బిచ్చి మరీ తీసుకొస్తారు.. అసలే బ్యూటిఫుల్ భామలు.. వారు ఆ డబ్బుకు జస్టిస్ చేసేందుకు గ్లామరసం చిందించి మాస్ ప్రేక్షకులకు కిక్కునిస్తారు.

ఇలాంటి భామల లిస్టులో కాజల్ అగర్వాల్ ఉండదు కానీ ఆమె కూడా ఒక స్పెషల్ సాంగ్ లో అలా మెరిసి ప్రేక్షకులను ఉర్రూతలూగించింది. 'జనతా గ్యారేజ్' సినిమాలో కాజల్ చేసిన పక్కా లోకల్ పాట ఎంత పెద్ద సూపర్ హిట్ అయిందో అందరికీ తెలిసిన విషయమే. దేవీ శ్రీ ప్రసాద్ మ్యూజిక్ - ఎన్టీఆర్ తో కలిసి మాస్ స్టెప్పులు.. ఆ పాటను చార్ట్ బస్టర్ సాంగుగా మార్చాయి. కానీ అప్పటినుండి ఎందుకో ఒక్కసారి కూడా ఐటెం సాంగ్స్ చెయ్యలేదు కాజల్.

పక్కా లోకల్ సాంగ్ తర్వాత చాలామంది నిర్మాతలు తనకు స్పెషల్ సాంగ్స్ ఆఫర్లు ఇచ్చినా ఒప్పుకోలేదట. రీసెంట్ గా ఒక పాపులర్ డైరెక్టర్ స్పెషల్ సాంగ్ కోసం కాజల్ ను సంప్రదించాడట... భారీ మొత్తంలో రెమ్యూనరేషన్ కూడా ఆఫర్ చేశాడట. కానీ ఫుల్ లెంగ్త్ పాత్రలకు ఒకే గానీ ఐటెం నెంబర్లు చేసే ఉద్దేశం లేదని స్పష్టం చేసిందట. ఈ కఠిన నిర్ణయం మాస్ ప్రేక్షకుల వేదనకు గురిచేసేదే.. కాస్త కరుణించు బ్యూటిఫుల్ కాజలూ..!