పవన్ పక్కన యువరాణిగా చందమామ

సర్దార్ గబ్బర్ సింగ్ మూవీలో పవర్ స్టార్ పవన్ కళ్యాణ్ కి జోడీగా నటిస్తోంది కాజల్. సాధారణంగా ఈ చందమామ ఆన్ స్క్రీన్ కెమిస్ట్రీని పండించడంలో పర్ఫెక్షనిస్ట్. కానీ పవన్ తో తొలిసారి జోడీ కట్టడంతో.. పవర్ స్టార్ తో కెమిస్ట్రీ కుదిరిందా అంటే 'ఒక వ్యక్తితో ర్యాపో పెరగాలంటే ఒకటికి నాలుగు సార్లు చేయనక్కర్లేదు. ఆలోచనా విధానం, పనితీరు సింక్ అయితే చాలు. పవన్ తో కలిసి పనిచేయడం అంటే నాకు ఇలాగే ఉంది' అంటూ అసలు సీక్రెట్ చెప్పేసింది కాజల్ అగర్వాల్.

సర్దార్ గబ్బర్ సింగ్ లో కాజల్ చేస్తున్న రోల్ పై చాలా రకాల అంచనాలు ఉన్నాయి. అందులో లేటెస్ట్ గా వచ్చిన అప్ డేట్ ఏంటంటే.. ఇందులో ఈమె యువరాణి పాత్ర పోషిస్తోందనే. 'మగధీరలో ఇందుగా యువరాణి పాత్రలో నటించాను. కానీ అది శతాబ్దాల క్రితం జరిగిన స్టోరీలా ఉంటుంది. కానీ సర్దార్ లో నేను ఓ చిన్న పట్టణం నుంచి వచ్చిన యువరాణి రోల్ లో కనిపిస్తున్నాను. ఈ పాత్ర చాలా ఇంట్రెస్టింగ్ గా డిజైన్ చేశారు. భారతీయ సాంప్రదాయం ఉట్టిపడే డ్రస్సులే వేశాను' అంటూ.. తన రోల్ గురించిన డీటైల్స్ రివీల్ చేసింది కాజల్.

పవన్ కళ్యాణ్ ఆలోచనలు, విభిన్నమైన సీన్స్ కి వెంటవెంటనే మారిపోగలగడం, ఎనర్జీ సూపర్ అంటోంది కాజల్. ఒక ఆలోచనపై ఆయనకి ఉండే స్పష్టత.. కాజల్ కి స్ఫూర్తినిచ్చిందట కూడా. అందుకే ఇప్పుడు పవన్ ఈ రేంజ్ లో ఉన్నాడన్నది చందమామ చెప్పిన కబురు.