కాజల్.. ఒక కత్తి లాంటి ఫొటో

వయసు తగ్గినా వన్నె తగ్గని.. అనే మాటను అందరికీ వాడేయలేం. ఈ మాట సరిగ్గా సరిపోయే వాళ్లు కొద్దిమందే ఉంటారు. అందాల చందమామ కాజల్ అగర్వాల్ ఈ కోవకే చెందుతుంది. తన వయసులోని చాలామంది హీరోయిన్లు గ్లామర్ కోల్పోయి చాలా సాదాసీదాగా తయారైతే.. కాజల్ మాత్రం ఇప్పటికీ నవనవలాడుతూ కుర్రాళ్ల గుండెలకు కోత పెట్టే పనిని నిర్విరామంగా కొనసాగిస్తోంది. ఈ మధ్యే ‘నేనే రాజు నేనే మంత్రి’లో కాజల్ ఎంత అందంగా కనిపించిందో.. ఎలా కట్టిపడేసిందో తెలిసిందే.

ఇంకో ఐదు రోజుల్లో ‘వివేగం’ ద్వారా మరోసారి వెండితెరపై అందాలు చల్లేందుకు సిద్ధమవుతోంది ఈ ముద్దుగుమ్మ. అంతకంటే ముందు ఆదివారం నాడు తన అభిమానుల్ని మురిపిస్తూ ఇన్‌ స్టా గ్రామ్ లో ఒక ఫొటో పెట్టింది కాజల్. అందులో కాజల్ చూపులు.. ఆమె లుక్.. ఆమె డ్రెస్సింగ్.. అన్నీ కూడా కుర్రాళ్లకు నిద్రలేని రాత్రులు మిగిల్చేవే. మొత్తానికి ప్రస్తుతం తన ‘స్టేట్ ఆఫ్ మైండ్’ ఇదే అంటూ.. మగాళ్ల ‘స్టేట్ ఆఫ్ మైండ్’ను మార్చే ఫొటోను షేర్ చేసింది కాజల్.