చందమామ వాళ్లింటికెళ్లి షాకిచ్చింది

అయితే టీవీలోనో.. లేదంటే వెండి తెర మీదనో తళుక్కున మెరిసే ఒక ముద్దుగుమ్మ నేరుగా మీ ఇంటికి వచ్చేస్తే అంతకు మించిన విస్మయం ఇంకేం ఉంటుంది. అలాంటి సినిమాటిక్ అనుభవాన్ని మిగిల్చింది చందబామ లాంటి కాజల్. స్టార్ హీరోయిన్ స్టేటస్ ను వదిలేసి.. తాను షూటింగ్ చేస్తున్న గ్రామంలోని ఒక ఇంటికి సరదాగా వెళ్లిన ఆమె.. ఆ ఇంట్లోని వారికి అంతులేని అనందాన్ని ఇవ్వటమే కాదు.. తాను సైతం కొన్ని తీపిగురుతుల్ని మదిలో మూటగట్టుకొంది. అలా ఎలా అన్న విషయాన్ని స్టార్ హీరోయిన కాజల్ అగర్వాల్ తాజాగా చెప్పుకొచ్చింది.

తమిళనాడులోని ఒక సినిమా షూటింగ్ లో భాగంగా కొల్లిమలై గ్రామానికి వెళ్లింది కాజల్. షూటింగ్ లో భాగంగా ఆ గ్రామంలో ఉన్న ఆమె.. సరదాగా ఆ గ్రామంలో తిరుగుతూ.. ఒక చిన్న బడ్డి కొట్టు నడుపుతున్న సుమిత్ర అనే పెద్దావిడ ఇంటికి వెళ్లింది. తెర మీద తళుక్కున మెరిసే తార.. నేరుగా తన ఇంట్లోకి నడిచి రావటాన్ని ఏమాత్రం నమ్మలేని ఆమె ఆనందంతో ఉక్కిరిబిక్కిరి అయ్యింది. అంతులేని ప్రేమను ప్రదర్శించి.. ఆమెకు వేడి వేడి టీ పెట్టి.. అప్యాయంగా చూసుకొంది.

ఇంతటి ఆత్మీయతను.. అంతులేని అభిమానాన్ని.. అతిధ్యాన్ని చూపించిన సుమిత్ర తీరుకు కాజల్ సైతం ఆశ్చర్యపోయింది. వారితో కాసేపు గడిపిన ఆమె.. తాను పొందిన అతిధ్యాన్ని సోషల్ మీడియాలో షేర్ చేసుకోవటమే కాదు.. తానెళ్లిన సుమిత్రమ్మ ఫోటోను షేర్ చేసింది. అబ్బో చందమామ సినిమాటిక్ గా వ్యవహరిస్తుందే. గుడ్.. కీపిటప్.