ఈ సారి కాజల్ పై కన్నేశాడు

బెల్లంకొండ వారసుడిని చూస్తుంటే అందరి దిష్టి తగిలేలా ఉంది. ముఖ్యంగా కొంత మంది మిడియామ్ హీరోలు కూడా మనోడిపై ఈర్షగా ఉన్న ఆశ్చర్యపోవాల్సిన అవసరం లేదు. ఎందుకంటే టాలీవుడ్ స్టార్ హీరోయిన్స్ తో ఈ యువ హీరో తెగ నటించేస్తున్నాడు. ఇప్పటికే సమంత - తమన్నా - రకుల్ లాంటి బ్యూటీలను తన సినిమాల్లో కవర్ చేశాడు. ఇక ప్రస్తుతం హాట్ బ్యూటీగా ఎదుగుతోన్న పూజా హెగ్డే ని కూడా సెలెక్ట్ చేసుకున్నాడు.

అయితే ఆ తారాగణం సరిపోలేదేమో గాని కొత్త అమ్మాయిల వంక అస్సలు చుడటం లేదు. సాధారణంగా కొత్తగా అడుగులు వేసే హీరోలు కొత్త బ్యూటీలనే సెలెక్ట్ చేసుకుంటారు. కానీ బెల్లంకొండ వారసుడు మాత్రం స్టార్ హీరోలతో నటించిన హీరోయిన్స్ ని సెలెక్ట్ చేసుకుంటున్నాడు. ఇక లేటెస్ట్ గా ఈ స్పీడున్నోడు కాజల్ పై కన్నేశాడు. కాజల్ అగర్వాల్ ప్రస్తుతం చాలా బిజీగా ఉన్నప్పటికీ బెల్లంకొండ ఆఫర్ ని ఒకే చేసింది.

శ్రీనివాస్ అనే కొత్త దర్శకుడితో బెల్లంకొండ శ్రీనివాస్ ఒక ప్రాజెక్ట్ ను ఒకే చేసిన సంగతి తెలిసిందే. ఇప్పటికే సినిమా సెట్స్ పైకి వెళ్లింది. అయితే సినిమాలో ప్రధాన కథానాయికగా కాజల్ ని సెట్ చేశారు. కథ వినగానే కాజల్ గ్రీన్ సిగ్నల్ ఇచ్చిందట. ఇక సినిమాలో మరో హీరోయిన్ కూడా ఉండనుందట. ఆ విషయాన్ని చిత్ర యూనిట్ మరికొన్ని రోజుల్లో తెలియజేస్తుంది. ఇక హైదరాబాద్ లో స్టార్ట్ కాబోయే నెక్స్ట్ షెడ్యూల్ లో కాజల్ చిత్ర యూనిట్ తో కలవనుంది.