కళ్యాణ్ అండ్ కాజల్ తో బెమ్మీ కామెడీ

కళ్యాణ్ రామ్ కథానాయకుడిగా తెరకెక్కుతోన్న ఎమ్మెల్యే సినిమా ప్రస్తుతం శరవేగంగా షూటింగ్ జరుపుకుంటోంది. గత సినిమాలతో కొంచెం డీలా పడ్డ కళ్యాణ్ రామ్ ఎలాగైనా ఈ సినిమాతో హిట్ కొట్టాలని చూస్తున్నాడు. అయితే సినిమాపై నందమూరి అభిమానుల్లో ఈ సారి కళ్యాణ్ రామ్ సినిమాపై అంచనాలు కొంచెం భారీగానే వున్నాయి. రాజకీయ నేపథ్యంలో ఉండబోతోన్న ఈ సినిమా తప్పకుండా హిట్ అవుతుందని చిత్ర యూనిట్ కూడా చాలా నమ్మకంతో ఉంది.

అయితే సినిమా అన్ని వర్గాల ప్రేక్షకులను ఆకట్టుకునే విధంగా దర్శకుడు ఉపేంద్ర మాధవ్ సినిమాను తెరకెక్కిస్తున్నాడట. ముఖ్యంగా యాక్షన్ సీన్స్ తో పాటు అవసరమైన చోట ఫుల్ కామెడీని కూడా ఉండేలా జాగ్రత్తలు తీసుకుంటున్నాడు. సినిమాలో బ్రహ్మనందం కూడా ఓ ముఖ్య పాత్ర పోషిస్తున్నాడు. అయితే బ్రహ్మానందం అండ్ కళ్యాణ్ రామ్ మధ్య వచ్చే కామెడీ సీన్స్ చాలా ఆకట్టుకుంటాయని చిత్ర యూనిట్ ద్వారా తెలుస్తోంది. చాలారోజుల నుండి సైలెంట్ అయిపోయిన బెమ్మీకి ఇది కంబ్యాక్ అంటున్నారు సినిమా వర్గాలు.

రీసెంట్ గా ఓ సిన్ కి సంబందించి ఫొటోని చిత్ర యూనిట్ రిలీజ్ చేసింది. ఫొటోలో బ్రహ్మానందం - కళ్యాణ్ రామ్ చిత్ర హీరోయిన్ కాజల్ ఉన్నారు. ప్రస్తుతం చిత్రీకరిస్తోన్న ఈ సిన్ చాలా ఫన్నీ గా ఉంటుందట. సెట్లో అందరు చాలా బాగా ఏంజాయ్ చేశారు. దర్శకుడు ఉపేంద్ర రాసిన మాటలు కూడా ఆకట్టుకుంటాయట. అదే విధంగా కొన్ని పాలిటిక్స్ కి చెందిన డైలాగ్స్ కూడా చాలా పవర్ఫుల్ గా ఉంటాయని తెలుస్తోంది. మరి సినిమా రిలీజ్ అయ్యాక ఎంతవరకు ఆకట్టుకుంటుందో చూడాలి.