హృతిక్ కావాలంటున్న కాజల్

టాలీవుడ్ చందమామ కాజల్ అగర్వాల్ కి బాలీవుడ్ లోనూ మంచి గుర్తింపు ఉంది. అజయ్ దేవగన్ తో చేసిన సింగం హిట్ తర్వాత.. హిందీ సినీ రంగం నుంచి చాలానే ఆఫర్స్ వచ్చాయి. అయితే తెలుగు - తమిళ సినిమాలకు అప్పటికే ఇచ్చిన కమిట్మెంట్స్ కారణంగా.. ఎక్కువ బాలీవుడ్ ప్రాజెక్టులకు సైన్ చేయలేకపోయింది కాజల్.

ప్రస్తుతం బాలీవుడ్ లో 'దో లఫ్జోం కీ కహానీ' చిత్రంలో నటిస్తోంది కాజల్ అగర్వాల్. ఈ మూవీలో ఓ అంధురాలి పాత్రలో కనిపించనుంది ఈ భామ. అయితే.. తను నటించిన తెలుగు సినిమాల్లో చాలావాటికి హిందీలోనూ రీమేక్ చేయవచ్చని చెబ్తోంది కాజల్. వాటికి క్యాస్టింగ్ ని కూడా డిసైడ్ చేసేయడం విశేషం.

ప్రభాస్ తో నటించిన మిస్టర్ పర్ఫెక్ట్ మూవీని హిందీలో రీమేక్ చేసినా బ్లాక్ బస్టర్ సాధిస్తుందని అంటోంది కాజల్. అయితే.. బాలీవుడ్ లో ఈ చిత్రంలో హృతిక్ రోషన్ హీరోగా చేస్తే బాగుంటుందన్నది ఆమె ఉద్దేశ్యం. అయినా.. బాహుబలి తర్వాత ప్రభాస్ నేషనల్ స్టార్ అయిపోయాడు కదా. మరి ప్రభాస్ ని కాదని, హృతిక్ అయితే కరెక్ట్ అనడంలో కాజల్ ఉద్దేశ్యమేంటో!