#మొద‌టి యానివ‌ర్శ‌రీ.. ఆయ‌న ఒడిలో మ‌ల్లెపువ్వులా..!

స్నేహితుడు గౌత‌మ్ కిచ్లుని అందాల చంద‌మామ కాజ‌ల్ ప్రేమించి పెళ్లాడిన సంగ‌తి తెలిసిందే. పెళ్లి త‌ర్వాత న‌టిగా కెరీర్ ని కొన‌సాగించేందుకు భ‌ర్త నుంచి అనుమ‌తి ల‌భించ‌డంతో కాజ‌ల్ ఇప్ప‌టికీ ఫుల్ బిజీగా ఉన్న సంగ‌తి తెలిసిందే. గౌత‌మ్ కిచ్లు త‌న వ్యాపారాల‌తో బిజీగా ఉంటూనే కాజ‌ల్ కోసం త‌గినంత స‌మ‌యాన్ని కేటాయిస్తున్నారు. ఈ జంట అన్యోన్య‌త ఇండ‌స్ట్రీలో హాట్ టాపిక్.

అయితే ఇటీవ‌ల నాగార్జున - ప్ర‌వీణ్ స‌త్తారు సినిమా ఘోస్ట్ నుంచి త‌ప్పుకోవ‌డంతో కాజ‌ల్ ఫ్రెగ్నెంట్ అన్న ప్ర‌చారం జోరుగా సాగింది. మ‌రోవైపు కాజ‌ల్ ఆచార్య చిత్రీక‌ర‌ణ‌ను పూర్తి చేసుకుని త‌దుప‌రి విరామ స‌మ‌యాన్ని ఆస్వాధిస్తోంది. ఆస‌క్తిక‌రంగా నాలుగు రోజుల క్రిత‌మే ఇదే నా కొత్త సినిమా.. ఉమా ఈ చిత్రానికి ద‌ర్శ‌కురాలు..! అంటూ ఒక కొత్త సినిమా పోస్ట‌ర్ ని రిలీజ్ చేసి షాకిచ్చింది కాజ‌ల్. ఒక‌వేళ ఫ్రెగ్నెంట్ అయితే అలా చేయ‌దు క‌దా! అన్న సందేహాలు రాజుకున్నాయి. ఏదైతేనేం కాజ‌ల్ త‌న వృత్తికి మాత్రం అన్యాయం చేయ‌ద‌ని అర్థ‌మైంది.

నేడు త‌మ మొద‌టి యానివ‌ర్శ‌రీ (30 అక్టోబ‌ర్ పెళ్లిరోజు) సంద‌ర్భంగా కిచ్లుతో రొమాంటిక్ మూడ్ లో ఉన్న ఓ ఫోటోగ్రాఫ్ ని కాజ‌ల్ షేర్ చేసింది. దీనికి ఆస‌క్తిక‌ర వ్యాఖ్యానం జోడించింది. ``మీరు అర్ధరాత్రి గుసగుసలాడినప్పుడు కూడా నేను మిమ్మ‌ల్ని ప్రేమిస్తున్నాను. “మీరు మెలకువగా ఉన్నారా? నేను మీకు ఈ కుక్క వీడియోని చూపించాలి” @కిచ్లగ్ .. అంటూ ఫ‌న్నీ నోట్ ని రాసింది కాజ‌ల్. త‌మ సంసార జీవ‌నంలో ఆనందాన్ని కాజ‌ల్ ఇలా ఏదో ఒక రూపంలో షేర్ చేసుకుంటూనే ఉంది. హ‌బ్బీతో కాజ‌ల్ రొమాంటిక్ మూడ్ లో ఉన్న ఈ ఫోటో జెట్ స్పీడ్ తో అభిమానుల్లోకి దూసుకెళుతోంది.

కాజ‌ల్ పెళ్లి త‌ర్వాత క్రేజీగా వెలిగిపోతోంది. ఇటీవ‌ల‌ అమ్మ‌డు సోష‌ల్ మీడియా ఖాతా ఇన్ స్టాగ్ర‌మ్ లో మ‌రో మైలు రాయిని చేరుకుంది. ఇన్ స్టా గ్రామ్ ఖాతాలో కాజ‌ల్ ఫాలోవ‌ర్స్ సంఖ్య 20 మిలియ‌న్ల (2కోట్లు)కు చేరుకుంది. పెళ్ల‌యినా కాజ‌ల్ ఫాలోయింగ్ ..క్రేజ్ ఎంత‌మాత్రం త‌గ్గ‌లేద‌ని ఈ లెక్క చెప్ప‌క‌నే చెబుతుంది. ఇప్ప‌టికే ఈ జాబితాలో పెళ్లి కాని కొంత మంది భామ‌లు త‌మ‌న్నా... అనుష్క‌..న‌య‌నతార లాంటి భామ‌లున్నారు. తాజాగా వాళ్ల స‌ర‌స‌న పెళ్లైన భామ చంద‌మామ చేర‌డం విశేషం. తెలుగులో `ల‌క్ష్మీ క‌ళ్యాణం` చిత్రంతో కాజ‌ల్ ఎంట్రీ ఇచ్చిన సంగ‌తి తెలిసిందే. తొలి సినిమా ఫ‌లితాలు తారుమారైనా ఆ త‌ర్వాత టైమ్ క‌లిసొచ్చి క్లిక్ అయింది. కెరీర్ ఆరంభ‌మే రామ్ చ‌ర‌ణ్ - బ‌న్ని-ప్ర‌భాస్- ఎన్టీఆర్ లాంటి అగ్ర‌హీరోల స‌ర‌స‌న న‌టించి పెద్ద విజ‌యాల్ని అందుకుంది కాజ‌ల్. రెండు ద‌శాబ్ధాల కెరీర్ అనంత‌రం త‌న స్నేహితుడిని స‌డెన్ గా పెళ్లాడి కాజ‌ల్ స‌ర్ ప్రైజ్ చేశారు. 2020 అక్టోబ‌ర్ 30న ఈ జంట పెళ్లి జ‌రిగిన సంగ‌తి తెలిసిందే.