`కలగ తలైవన్` ట్రైలర్: ఉద‌య‌నిధి యాక్ష‌న్ థ్రిల్ల‌ర్ గ్రిప్పింగ్

త‌మిళ‌నాడులో పాపుల‌ర్ రాజ‌కీయ కుటుంబం నుంచి వ‌చ్చి సినీహీరోగా వెలుగుతున్నాడు ఉద‌య‌నిధి స్టాలిన్. ఆరంభం రొమాంటిక్ కామెడీల‌తో ఆకట్టుకున్న ఉద‌య‌నిధి నెమ్మ‌దిగా సీరియస్ గా హీరోయిక్ టోన్ వినిపించే ద‌మ్మున్న పాత్ర‌ల‌ను ఎంపిక చేసుకుంటున్నాడు.

ఉదయనిధి స్టాలిన్ త‌దుప‌రి చిత్రం `కలగ తలైవన్` ట్రైలర్ ఎట్టకేలకు విడుదలైంది. యాక్షన్-ప్యాక్డ్ ట్రైలర్ లో ఆరుగురు దుష్టులు ఒక యువ‌తిని అప‌హ‌రించి హింసించ‌డం క‌నిపిస్తోంది. అప‌హ‌ర‌ణ‌ తరువాత ఆ యువ‌తి ఆత్మహత్యకు పాల్పడుతుంది. ఉదయనిధి స్టాలిన్ ఒక ఇన్వెస్టిగేట‌ర్ పాత్ర‌లో క‌నిపిస్తుండ‌గా.. బిగ్ బాస్ ఫేం ఆరవ్ నఫీజ్ విల‌న్ పాత్రలో కనిపించాడు.

ఉదయనిధి స్టాలిన్ పాత్ర గురించి పెద్దగా ట్రైల‌ర్ లో ఏమీ వెల్లడించలేదు. అత‌డు తన ఐడెంటిటీని బ‌య‌ట‌పెట్ట‌కుండా తన చుట్టూ జరుగుతున్న సంఘటనలను గమనిస్తున్న వ్యక్తిగా కనిపిస్తాడు. ట్రైలర్ చూస్తుంటే సినిమా చాలా ట్విస్ట్ లు మ‌లుపుల‌తో ర‌క్తి క‌ట్టించ‌నుంద‌ని అర్థ‌మవుతోంది. స్టాలిన్ న‌టించిన గత చిత్రాల కంటే విల‌క్ష‌ణ‌మైన పాత్ర‌లో న‌టించాడ‌ని భ‌రోసా క‌నిపిస్తోంది.

ఇంతకుముందు క్రైమ్ థ్రిల్లర్ లైన థడం- మేఘమాన్ - తడయ్యార తాక చిత్రాలకు దర్శకత్వం వహించిన మగిజ్ తిరుమేని ఈ చిత్రానికి దర్శకత్వం వహించారు. ఈ చిత్రంలో సిలంబరసన్ ఈశ్వరన్ సరసన తమిళంలో తన అరంగేట్రం చేసిన నిధి అగర్వాల్ కథానాయికగా నటించింది. కలైయరసన్ కూడా కీలక పాత్రలో కనిపించనున్నారు. ఈ చిత్రానికి సంగీతం అరోల్ కొరెల్లి కాగా.. సౌండ్ ట్రాక్ శ్రీకాంత్ దేవ అందించారు. ఈ చిత్రాన్ని ఉదయనిధి స్టాలిన్ స్వయంగా తన హోమ్ బ్యానర్ రెడ్ జెయింట్ మూవీస్ ప‌తాకంపై నిర్మించారు. కలగ తలైవన్ నవంబర్ 18న ప్రేక్షకుల ముందుకు రానుంది.

రొమాంటిక్ కామెడీ ఒరు కల్ ఒరు కన్నాడి (2012)తో తెరంగేట్రం చేసిన ఉదయనిధి త‌న బాడీ లాంగ్వేజ్ కి తగ్గట్టుగానే ఎన్నో పాత్రలు చేస్తూ ఇప్పుడు సీరియస్ రూట్ ని తీసుకుని సైకో- నేంజుకు నీది వంటి చిత్రాల్లో కొన్ని ఇంటెన్స్ క్యారెక్టర్స్ లో కనిపిస్తున్నాడు. మారి సెల్వరాజ్ దర్శకత్వంలో తెరకెక్కుతున్న `మామన్నన్‌`లో కూడా సీరియస్ క్యారెక్టర్ లో కనిపించనున్నాడు. ఈ చిత్రంలో ఫహద్ ఫాసిల్- కీర్తి సురేష్ - వడివేలు త‌దిత‌రులు న‌టిస్తున్నారు.

ఒక నిర్దిష్ట సమయం తర్వాత, ముఖ్యంగా మనిథన్ తర్వాత, అతను తన స్క్రిప్ట్‌ల గురించి ఎంపిక చేసుకున్నట్లు నటుడు పేర్కొన్నాడు. సమాజాన్ని ప్రతిబింబించేలా సినిమాలు చేయాలని, సామాజిక బాధ్యతతో కూడిన సినిమాలు తీయాలన్నారు. అలాంటి చిత్రాలను ఇప్పుడు ప్రేక్షకులు కూడా ఆదరిస్తున్నారని అన్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.