లిరికల్ వీడియో : హత్తుకునే స్వీట్ మెలోడీ

తన నుంచి ఒకేతరహా సంగీతం వస్తోంది అని తరచూ విమర్శలకు గురవుతున్న సంగీత దర్శకుడు తమన్ అరవింద సమేత వీర రాఘవతో తిరిగి ట్రాక్ లో పడ్డట్టే ఉన్నాడు. ఫ్యాక్షన్ నేపధ్యంలో చాలా ఎమోషనల్ గా సాగే ఆ మూవీకి ఇచ్చిన మ్యూజిక్ పెద్ద పేరే తీసుకొచ్చింది. ముఖ్యంగా పెనివిటి పాట అవార్డులు మోసుకురావడం ఖాయం అన్న అంచనాలు ఉన్నాయి. ఇప్పుడు మరో ఆల్బమ్ కూడా వచ్చేస్తోంది. రవితేజ హీరోగా శీను వైట్ల దర్శకత్వంలో రూపొందిన అమర్ అక్బర్ ఆంటోనీ ఈనెల 16న విడుదల కానున్న సంగతి తెలిసిందే.

మరో పన్నెండు రోజుల్లో రిలీజవుతున్న నేపథ్యంలో టీమ్ ప్రమోషన్ వేగాన్ని పెంచింది. అందులో భాగంగా కలలా కథలా అనే లిరికల్ వీడియోని నిన్న విడుదల చేసారు.రామజోగయ్య శాస్త్రి సాహిత్యానికి హరిణి సుమధురమైన గొంతు తోడై మెలోడీ లవర్స్ కు రిపీట్ ఛాయస్ గా మారేలా ఉంది. తమన్ చాలా కూల్ మెలోడీ ట్యూన్ చేసాడు. చిన్నతనంలో తనతో కలిసి ఆడుకుని తోడు కోసం తపించే వయసులో తెలియనంత దూరంగా వెళ్ళిపోయిన తన నేస్తం కోసం ఓ అమ్మాయి పాడే వేదనను రామజోగయ్య అద్భుతంగా అక్షర బద్దం చేసారు.మళ్ళి వినాలనిపించే మేజిక్ అయితే ఇందులో ఉంది.

శ్రేయ ఘోషల్ ను తలపించేలా హరిణి స్వీట్ వాయిస్ మంచి ఫీల్ ని ఇచ్చింది. లిరికల్ వీడియోలో చూపించిన దాన్ని బట్టి ఇది ఇలియానా మీద వచ్చే పాటగా అర్థమైపోయింది. రవితేజ సినిమాలకు మంచి మ్యూజిక్ ఇచ్చే తమన్ మరోసారి ఆ సెంటిమెంట్ ను నిజం చేసేలా ఉన్నాడు. తమన్ కు పెద్ద బ్రేక్ వచ్చింది మాస్ రాజా కిక్ సినిమాతోనే. అదే తరహలో ఇందులో కూడా మాస్ ప్లస్ క్లాస్ ఇద్దరినీ మెప్పించే క్యాచీ సాంగ్స్ తో ఈసారి మరో హిట్ ఆల్బం తన ఖాతాలో వేసుకునేలాగే ఉన్నాడు.