వ్య‌భిచారి అని అవ‌మానించారు

ద‌ర్శ‌క‌నిర్మాత అనురాగ్ క‌శ్య‌ప్ నుంచి విడిపోయిన అనంత‌రం ఫ్రెంచి గాళ్ క‌ల్కి కొచ్లిన్ ప్ర‌ముఖంగా చ‌ర్చ‌ల్లోకొచ్చింది. బ్రేక‌ప్ త‌రువాత‌ కొన్నాళ్లకు గ‌య్ హెర్ష్ బ‌ర్గ్ అనే యువ‌కుడితో ప్రేమ‌లో ప‌డింది. రెండేళ్లుగా అత‌డితో డేటింగ్ లో ఉన్న సంగ‌తి తెలిసిందే. ప్ర‌స్తుతం ఓ బిడ్డ‌కు జ‌న్మ‌నివ్వ‌బోతోంది. ఆ క్రమంలోనే బేబి బంప్ ని ప్ర‌ద‌ర్శిస్తూ ప‌లు మ్యాగ‌జైన్లు.. మీడియాల‌కు క‌ల్కి ఇంట‌ర్వ్యూలు ఇస్తోంది.

అలా ఓ ఇంట‌ర్వ్యూలో క‌ల్కి త‌న గ‌తం గురించి చెప్పి షాకిచ్చింది. క‌ల్కి ఫ్రెంచ్ పేరెంట్ కి పాండిచ్చేరి(ఇండియా)లో జ‌న్మించింది. తాను హిందీ పూర్తిగా మాట్లాడ‌గ‌ల‌దు. కానీ త‌న‌ని ఓ ర‌ష్య‌న్ అని ముంబై మీడియా భావించేద‌ట‌. అంతేకాదు.. ఓ ప‌త్రిక‌లో ర‌ష్య‌న్ వ్య‌భిచారి అని రాసేశార‌ట‌. కెరీర్ ఆరంభంలో ఇలాంటి అవ‌మానాలెన్నో ఎదుర్కొన్నాన‌ని ఈ సంద‌ర్భంగా గుర్తు చేసుకుంది.

మీడియా వాళ్లు ప‌రిశ్ర‌మ‌లో ఉన్న వ్య‌క్తుల్ని నిర్ణ‌యించేస్తారు. అందుకే కెరీర్ ప్రారంభంలో ఇలాంటి స‌మ‌స్య‌లు ఎన్నో ఎదుర్కోవాల్సి వ‌చ్చింద‌ని క‌ల్కి తెలిపింది. అప్ప‌ట్లోనే ఓ నిర్మాత త‌న‌ని డేట్ కి పిలిచాడు. మీటూ ప్రాబ్లెమ్ ని ఎదుర్కొంది. అయితే తాను ఆ నిర్మాత ప్ర‌పోజ‌ల్ కి స్పందించ‌క‌పోవ‌డంతో అటుపై ఛాన్స్ కోల్పోవాల్సి వ‌చ్చిందని రివీల్ చేసింది క‌ల్కి. ఆ క్ర‌మంలోనే ద‌ర్శ‌కుడు అనురాగ్ తో ప్రేమాయ‌ణం అనుబంధం తెలిసిందే.