టాలీవుడ్ కి వస్తున్న దర్శకుడి మాజీ వైఫ్‌

బాలీవుడ్ భామ కల్కి కొచ్లిన్ డేరింగ్ యాక్ట్రెస్ మాత్రమే కాదు.. అద్భుతమైన నటి కూడా. జాతీయ స్థాయిలో ఉత్తమనటిగా పలు అవార్డులు పొందిన ఈ బ్యూటీ.. నిజానికి చెన్నై భామే. అయితే.. బాలీవుడ్ లో సత్తా చాటిన కల్కి.. కెరీర్ బిగినింగ్ లోనే దర్శకుడు అనురాగ్ కశ్యప్ ను పెళ్లాడడం.. విడాకులు తీసుకోవడం కూడా జరిగిపోయాయి.

సదరు దర్శకుడి మాజీ వైఫ్‌.. ఇప్పుడు దక్షిణాదిలోకి వచ్చేస్తోంది. దగ్గుబాటి రానా హీరోగా రూపొందుతోన్న హాథీ మేరా సాథీ చిత్రం ద్వారా దక్షిణాదిలో ఎంట్రీ ఇచ్చేందుకు కల్కి అంగీకరించింది. తెలుగు.. తమిళ్.. హిందీ భాషలలో రూపొందుతున్న ఈ సినిమాలో నటించేందుకు కల్కి యాక్సెప్ట్ చేసింది. తమిళనాడులో పుట్టి పెరిగిన తాను.. సౌత్ సినిమా చేయడం.. ఇంటికి వస్తున్న ఫీలింగ్ కలుగుతున్నట్లు చెబుతోంది కల్కి కొచ్లిన్. ఈ ట్యాలెంటెడ్ బ్యూటీని తీసుకోవడంపై దర్శకుడు ప్రభు సాల్మన్ కూడా సంతోషంగా ఉన్నాడు. తన రోల్ కు సంపూర్తిగా న్యాయం చేసే ప్రతిభ ఉన్న కల్కి కొచ్లిన్.. ఈ సినిమాకు ఆకర్షణగా నిలుస్తుందని దర్శకుడు అంటున్నాడు.

రానా.. కల్కి కొచ్లిన్.. పుల్కిత్ సామ్రాట్.. జోయా హుస్సేన్ వంటి పలువురు ప్రతిభావంతులైన నటులు ఈ సినిమాలో నటిస్తున్నారని డైరెక్టర్ చెబుతున్నాడు. ఇప్పటికే కొన్ని షెడ్యూల్స్ షూటింగ్ పూర్తి కాగా.. ఆగస్టులో మరుసటి షెడ్యూల్ ను స్టార్ట్ చేయనున్నట్లు దర్శకుడు తెలిపాడు.