మెగా అల్లుడు వదిలిన 'అలాంటి సిత్రాలు' ఫస్ట్ లుక్..!

శ్వేతా పరాశర్ - యాష్ పురి - అజయ్ కతుర్వార్ - ప్రవీణ్ యండమూరి ప్రధాన పాత్రలతో తెరకెక్కుతున్న సినిమా ''అలాంటి సిత్రాలు''. కె రాఘవేంద్రరెడ్డి సమర్పణలో ఐ &ఐ ఆర్ట్స్ మరియు కాస్మిక్ రే ప్రొడక్షన్స్ బ్యానర్స్ పై శ్రీ వరుణ్ - రాహుల్ రెడ్డి ఈ చిత్రాన్ని నిర్మిస్తున్నారు. పూరీ జగన్నాథ్ వద్ద రచనా విభాగంలో పనిచేసిన సుప్రీత్ సి. కృష్ణ ఈ చిత్రానికి దర్శకత్వం వహిస్తున్నాడు. తాజాగా "అలాంటి సిత్రాలు" చిత్రం ఫస్ట్ లుక్ పోస్టర్ ని మెగా అల్లుడు కళ్యాణ్ దేవ్ విడుదల చేశారు.

నలుగురు భిన్న మనస్తత్వాలు కలిగిన వ్యక్తులు అనుకోకుండా ఒకరి దారిలో మరొకరు తారసపడినప్పుడు వారి జీవిత గమనంలో చోటుచేసుకున్న అనూహ్య పరిణామాల ఆధారంగా ఈ సినిమా తెరకెక్కినట్లు తెలుస్తోంది. 'అలాంటి సిత్రాలు' ఫస్ట్ లుక్ ఆకట్టుకునేలా ఉండటంతో పాటు సినిమాపై ఆసక్తిని కలిగిస్తోంది. ఇక ఫస్ట్ లుక్ పోస్టర్ లో ట్రైన్ ని కూడా చూపించడంతో ఇది మెట్రో ట్రైన్ లో జరిగే స్టోరీ అయ్యుండొచ్చని అనిపిస్తోంది. ఈ చిత్రానికి సంతు ఓంకార్ సంగీతం అందించగా.. కార్తీక్ సాయి కుమార్ కెమెరామెన్ గా వ్యవహరించాడు. ప్రస్తుతం పోస్ట్ ప్రొడక్షన్ తుది దశలో ఉన్న ఈ చిత్రాన్ని మార్చి ఆఖరి వారంలో ప్రేక్షకుల ముందుకు తీసుకురావడానికి ప్రయత్నాలు చేస్తున్నారు.