థ్రిల్లర్ అన్నారు.. తేల్చేశారే??

మామూలు సినిమా ఏదైనా ఫస్ట్ లుక్ అంటూ ఒకెత్తు.. అదే థ్రిల్లర్ సినిమా అంటే మరో ఎత్తు. ఎందుకంటే పోస్టర్లోనే కాన్సెప్టు తాలూకు హింట్స్ అలాగే థ్రిల్ ఎలిమెంట్స్ లేకపోతే మాత్రం మన ఆడియన్స్ కు థ్రిల్లర్ సినిమా పోస్టర్లు పెద్దగా నచ్చవు. అందుకే అలాంటి సినిమాలకు పోస్టర్ నుండి సరైన హైప్ ఇవ్వాలి.

ఇప్పుడు సినిమాటోగ్రాఫర్ గుహన్ డైరక్షన్ లో ఒక థ్రిల్లర్ సినిమాను చేస్తున్నాడు నందమూరి కళ్యాణ్‌ రామ్. ఇదొక థ్రిల్లర్ సినిమా అంటూ మొదటి నుండి ప్రమోషన్ జరుగుతోంది. అయితే ఇప్పుడు కళ్యాణ్‌ రామ్ బర్త్ డే సందర్భంగా విడుదల చేసిన ఫస్ట్ లుక్ పోస్టర్లో మాత్రం.. ఆ ఛాయలు కనిపించలేదు. మొన్ననే వచ్చిన అభిమన్యుడు సినిమా పోస్టర్ల తరహాలో ఉంది. అంతే కాకుండా.. ఒక థ్రిల్లర్ సినిమా పోస్టర్లో ఉండాల్సిన క్రియేటివ్ కిక్ మిస్సయ్యింది. అసలు ఇంత సింపుల్ గా ఎలా తేల్చేశారబ్బా అనుకుంటున్నారు మూవీ లవ్వర్స్.

అయితే ఇది కేవలం బర్తడే పోస్టర్ మాత్రమే కాని.. సినిమా తాలూకు నిజమైన ఫస్ట్ లుక్ మాత్రం కాదంట. టైటిల్ తో సహా సినిమా లుక్ ప్రకటించినప్పుడు.. పోస్టర్ అదిరిపోతుందని తెలుస్తోంది. మొన్ననే 'నా నువ్వే' సినిమాతో మరోసారి కెరీర్ బెస్ట్ ఫ్లాపును చవిచూసిన కళ్యాణ్‌ రామ్.. ఈ సినిమాతో తిరిగి బౌన్స్ బ్యాక్ అవ్వాలని చూస్తున్నాడు.