బ్యాంకాక్ క్యాన్సిల్.. స్పెయిన్ షురూ

నందమూరి కళ్యాణ్ రామ్ హీరోగా డాషింగ్ డైరెక్టర్ పూరీ జగన్నాథ్ తెరకెక్కిస్తున్న మూవీ ఇజం. మాజీ మిస్ ఇండియా అదితి ఆర్య ఈ మూవీలో హీరోయిన్ గా నటిస్తూ టాలీవుడ్ అరంగేట్రం చేస్తోంది. ప్రస్తుతం ఈ సినిమాకి సంబంధించిన టాకీ పార్ట్ దాదాపు పూర్తయిపోగా.. ఇప్పుడు స్పెయిన్ వెళ్లేందుకు ఏర్పాట్లు చేసుకుంటున్నారు.

కొన్ని పాటలతో పాటు ఫైటింగ్ సీన్స్ ను పిక్చరైజ్ చేయడం కోసం స్పెయిన్ వెళ్తున్నాడు కళ్యాణ్ రామ్. నందమూరి హీరో ఈ సినిమాలో జర్నలిస్ట్ పాత్ర పోషిస్తుండగా.. కొన్ని ఇంట్రెస్టింగ్ ఇన్విస్టిగేషన్ టైపు సీన్స్ ఉంటాయట. వాటిని తెరకెక్కించేందుకే స్పెయిన్ బాట పట్టారని తెలుస్తోంది. నిజానికి ఈ సీన్స్ ను బ్యాంకాక్ లో తీయాలని మొదటగా నిర్ణయించారు. అయితే.. బ్యాంకాక్ కంటే ఇప్పుడు మనోళ్లంతా యూరోప్ దేశాలలో చిత్రీకరణకే మొగ్గు చూపుతున్నారు. ఇందుకు కారణం.. అక్కడ ప్రొడక్షన్ కాస్ట్ తక్కువగా ఉండడంతో పాటు.. పెట్టిన ఖర్చులో కూడా చాలా మొత్తం వెనక్కిచ్చేస్తున్నారులే.

ఇజంకి ఈ నెలఖర్లోనే పోస్ట్ ప్రొడక్షన్ కార్యక్రమాలను పూరి స్టార్ట్ చేయనున్నాడు. సెప్టెంబర్ 30న ఇజంను విడుదల చేయాలని భావిస్తున్న పూరి.. ఆమేరకు పక్కాగా ప్లానింగ్ చేసేసుకున్నాడు ఇక ఈ చిత్రానికి అనూప్ రూబెన్స్ సంగీతం అందిస్తుడంగా.. ఎన్టీఆర్ ఆర్ట్స్ పతాకం హీరో కళ్యాణ్ రామ్ స్వయంగా నిర్మిస్తున్నాడు.