ఎదో మ్యాజిక్ కోసం ప్రయత్నిస్తున్నారే..

నందమూరి ఫ్యామిలీలో బాలయ్య - ఎన్టీఆర్ ఎవరి స్టైల్ కమర్షియల్ పందాల్లో వెళుతుంటే.. కళ్యాణ్ రామ్ మాత్రం కాస్త వారిదారికంటే బిన్నంగా వెళుతున్నాడు. రిజల్ట్స్ తో సంబంధం లేకుండా కొత్త తరహా కథలను చేస్తూ సక్సెస్ అందుకోవాలని చూస్తున్నాడు. పైగా సొంత ప్రొడక్షన్ లో సినిమాలు చేయడం తగ్గించేశాడు. తన సినిమాలను నిర్మించడానికి ఇతర నిర్మాతలు వస్తుండడంతో కేవలం హీరోగా సక్సెస్ అందుకోవాలని కష్టపడుతున్నాడు.

ప్రస్తుతం నా నువ్వే అనే సినిమాలో నటిస్తున్న సంగతి తెలిసిందే. ప్రముఖ యాడ్స్ దర్శకుడు జయేంద్ర ఈ సినిమాను తెరకెక్కిస్తున్నాడు. అయితే సినిమాకు సంబందించి ఒక సరికొత్త పోస్టర్ ని చిత్ర యూనిట్ రీసెంట్ గా రిలీజ్ చేసింది. ఈ సినిమా ద్వారా ఎదో మ్యాజిక్ చేయాలనీ చూస్తున్నట్లు అనిపిస్తోంది. పైగా పోస్టర్ లో మిల్కి బ్యూటీ తమన్నా అందాలు స్పెషల్ ఎట్రాక్షన్ గా నిలిచాయి. తమన్నా గ్లామర్ డోస్ ఈ సినిమాలో గట్టిగానే ఉన్నట్లు టాక్ వస్తోంది.

ఇక ప్రముఖ సినిమాటోగ్రాఫర్ పిసి.శ్రీరామ్ ఈ సినిమాకు వర్క్ చేస్తుండడం మేజర్ ప్లస్ పాయింట్. కళ్యాణ్ రామ్ కెరీర్ లోనే ఈ ప్రాజెక్టు చాలా ప్రత్యేకమైనదని తెలుస్తోంది. డ్యాన్స్ కు సంబందించిన సన్నివేశాలు ఈ సినిమాలో హైలెట్ గా నిలుస్తాయట. ఎమ్మెల్యే సినిమాతో అనుకున్నంతగా హిట్ అందుకొని కళ్యాణ్ ఈ సినిమాతో అయినా తన మార్కెట్ ను పెంచుకోవాలని చూస్తున్నాడు. అలాగే ప్రమోషన్స్ కూడా స్ట్రాంగ్ ఉండేలా ప్లాన్ చేసుకుంటున్నట్లు తెలుస్తోంది. మరి నా నువ్వే సినిమా ఎంతవరకు ఆకట్టుకుంటుందో చూడాలి.