బాలయ్య బ్లాక్ బస్టర్ డేట్ పై కన్నేసిన కళ్యాణ్ రామ్..!

నందమూరి హీరోగా కళ్యాణ్ రామ్ తెలుగు చిత్రసీమకు పరిచయం అయ్యాడు. కెరీర్లో మొదట్లో పలు హిట్స్ సినిమాల్లో నటించి స్టార్డమ్ సొంతం చేసుకున్నాడు. అయితే ఈ తర్వాత సరైన హిట్స్ లేకపోవడంతో కళ్యాణ్ రామ్ చాలా వెనుకబడ్డాడు. మరోవైపు తన తమ్ముడు జూనియర్ ఎన్టీఆర్ వరుస హిట్లతో ప్యాన్ ఇండియా స్థాయికి ఎదిగాడు.

కళ్యాణ్ రామ్ ఒక హిట్ సినిమా కోసం చాలా రోజులు ఎదురు చూడాల్సి వచ్చింది. ఈ ఏడాది 'బింబిసార' మూవీతో కల్యాణ్ రామ్ సూపర్ హిట్ అందుకొని మళ్లీ ఫామ్ లోకి వచ్చాడు. కొత్త కథనంతో వచ్చిన 'బింబిసార' ప్రేక్షకులకు ఎంతగానో కనెక్ట్ అయింది. ఈ నేపథ్యంలోనే ఈ మూవీ సీక్వెల్ కూడా త్వరలో పట్టాలెక్కనుంది.

కళ్యాణ్ రామ్ చేతిలో ప్రస్తుతం రెండు సినిమాలున్నాయి. ఇందులో ఒక సినిమాను మైత్రీ మూవీ మేకర్స్ సంస్థ నిర్మిస్తోంది. గత ఏడాది ఫిబ్రవరిలో ఈ సినిమా సెట్స్ పైకి వెళ్ళింది. ఈ మూవీలో కల్యాణ్ రామ్ ట్రిపుల్ రోల్ చేయనున్నారని టాక్. ఈ సినిమాకు 'అమిగోస్' అనే టైటిల్ ఖరారైంది.

రాజేంద్ర దర్శకత్వంలో తెరకెక్కుతున్న 'అమిగోస్' షూటింగ్ ఇటీవలే పూర్తయింది. ప్రస్తుతం పోస్ట్ ప్రొడక్షన్ పనులను జరుపుకుంటుంది. ఈ నేపథ్యంలో ఈ సినిమాను డిసెంబర్ 2న విడుదల చేయాలని మైత్రీ మూవీ మేకర్స్ భావిస్తోంది. గత ఏడాది డిసెంబర్ 2న బాలకృష్ణ నటించిన 'అఖండ' విడుదలై బ్లాక్ బస్టర్ అయింది.

బాలయ్యకు అచ్చొచ్చిన ఈ తేదీన కల్యాణ రామ్ 'అమిగోస్'ను కూడా విడుదల చేయాలని నిర్మాతలు భావిస్తున్నారు. రిలీజు డేట్ పైనే త్వరలోనే క్లారిటీ రానుంది. ఇక 'బింబిసార'తో మంచి ఫామ్ ఉన్న కల్యాణ్ రామ్ కు 'అమిగోస్' ఎలాంటి ఫలితం ఇస్తుందో అన్న ఆసక్తి నెలకొంది.

మరోవైపు కళ్యాణ్ రామ్ 20వ సినిమాగా 'డెవిల్' సినిమాను చేస్తున్నాడు. ఈ సినిమాకు నవీన్ మేడారం దర్శకత్వం వహిస్తున్నాడు. బ్రిటిష్ కాలం నాటి కథాంశంతో ఈ సినిమా ప్రేక్షకుల ముందుకు రానుందని ఫిల్మ్ నగర్ లో టాక్ వినిపిస్తోంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.