నందమూరి హీరో'ఇజం' చూపించాల్సిందే

నందమూరి కళ్యాణ్ రామ్ హీరోగా పూరీ జగన్నాథ్ దర్శకత్వంలో రూపొందుతున్న మూవీ 'ఇజం'. కళ్యాణ్ రామ్ లుక్ ని మరింత రఫ్ గా మార్చి రిలీజ్ చేసిన ఫోటోతోనే ఆసక్తి కలగచేసిన పూరీ.. రీసెంట్ గా విడుదల చేసిన ఫస్ట్ లుక్ తో పాటు టైటిల్ ను కూడా ప్రకటించాడు. పోస్టర్లలో కళ్యాణ్ రామ్ ను చూసి ఇండస్ట్రీ జనాలు మెస్మరైజ్ అయిపోయారనడంలో సందేహం అక్కర్లేదు. ఇజం మూవీలో విపరీత భావాలు ఉండే ఓ జర్నలిస్టుగా కళ్యాణ్ రామ్ నటిస్తున్నాడు.

ఇప్పుడు ఇజంపై కళ్యాణ్ రామ్ చాలానే ఆశలను పెట్టుకున్నాడు. ఇటు హీరోగాను అటు నిర్మాతగాను నందమూరి హీరోకి ఈ సినిమా హిట్ కావడం చాలా ముఖ్యం. పటాస్ లాంటి సూపర్ హిట్ కొట్టిన తర్వాత కూడా.. కళ్యాణ్ రామ్ నటించిన షేర్ చిత్రానికి సరైన ఓపెనింగ్స్ రాకపోవడం ఇండస్ట్రీ జనాలను ఆశ్చర్యపరిచింది. మరోవైపు ఇప్పటివరకూ ఈ నందమూరి హీరో ఎప్పుడూ స్టార్ డైరెక్టర్లతో చేయలేదు. ఇజం ద్వారా ఆ లోటును భర్తీ చేస్తున్న కళ్యాణ్ రామ్.. పూరీతో ఓ సూపర్ డూపర్ హిట్ కొట్టాలనే టార్గెట్ తో ఉన్నాడు.

ఇక నిర్మాతగా కూడా కళ్యాణ్ రామ్ కెరీర్ లో ఎత్తుపల్లాలు ఉన్నాయి. అతనొక్కడే - హరే రామ్ - పటాస్ లాంటి సినిమాలు డబ్బులు తెచ్చిపెట్టినా.. రీసెంట్ గా కిక్2 తో భారీగా నష్టపోయాడు. కిక్ 2 విషయంలో ఎన్టీఆర్ సాయం చేశాడనే కామెంట్స్ గట్టిగానే వినిపించాయి. ఇప్పుడు ఇజం కోసం కూడా భారీగానే ఖర్చు చేస్తున్నాడు కళ్యాణ్ రామ్. అందుకే హీరో కం ప్రొడ్యూసర్ గా రెండు రోల్స్ లోనూ సక్సెస్ సాధించాలంటే.. ఇజంతో బ్లాక్ బస్టర్ సాధించడం తప్పనిసరి.