పూరీతో కళ్యాణ్ రామ్.. కొత్త కొత్తగా

పూరీ జగన్నాథ్-నందమూరి కళ్యాణ్ రామ్.. తొలిసారిగా ఈ కాంబినేషన్ సెట్ అయినప్పటి నుంచి ఇండస్ట్రీలో ఆసక్తి నెలకొంది. నందమూరి హీరోల్లో ఎన్టీఆర్ తో మినహా.. ఇప్పటి వరకూ ఎవరితోనూ సినిమా చేయని పూరి.. తొలిసారిగా కళ్యాణ్ రామ్ తో జట్టు కట్టాడు. ప్రతీ సినిమాతోనూ తన హీరోలకు కొత్త మేకోవర్ ఇచ్చే పూరి.. ఇప్పుడు కళ్యాణ్ రామ్ ను కూడా కొత్తగా చూపిస్తున్నాడు.

ఇప్పటికే ఈ నందమూరి హీరోకి సంబంధించిన గెటప్.. ఆన్ లైన్ లో సూపర్ గా క్లిక్ అయింది. కళ్యాణ్ రామ్ ను ఇంత డిఫరెంట్ గా ఎవరూ చూపించలేదనే పేరు వచ్చింది. నందమూరి హీరో గెటప్ కి ఈ రేంజ్ లో రెస్పాన్స్ రావడంతో పూరీ జగన్నాథ్ ఫుల్లు హ్యాపీగా ఉన్నాడని తెలుస్తోంది. ఇప్పుడీ సినిమాకి సంబంధించిన షూటింగ్ స్పీడ్ అందుకుంది. ప్రస్తుతం హైద్రాబాద్ పరిసరాల్లో ఈ సినిమా షూటింగ్ శరవేగంగా జరుగుతోంది. నైట్ ఎపిసోడ్స్ కి సంబంధించిన సీన్స్ ని స్పెషల్ గా షూట్ చేస్తున్నారని అంటున్నారు.

కళ్యాణ్ రామ్ తో పాటు హీరోయిన్ అదితి ఆర్య కూడా ఈ షూటింగ్ లో పాల్గొంటోంది. వీళ్లిద్దరి కాంబినేషన్ కూడా తొలి సారి కావడం విశేషం. పూరీ-కళ్యాణ్ రామ్ కాంబినేషన్ లో రూపొందుతున్న చిత్రాన్ని.. ఎన్టీఆర్ ఆర్ట్స్ పతాకంపై కళ్యాణ్ రామ్ స్వయంగా నిర్మిస్తుండగా.. అనూప్ రూబెన్స్ సంగీతం అందిస్తున్నాడు.