క‌ళ్యాణ‌రాముడు ప్ర‌యోగాలు

న‌వ్య‌పంథా స్క్రిప్టుల్ని ఎంచుకోక‌పోతే హీరోల‌కు మ‌నుగ‌డే ఉండ‌దా? అంటే ప‌్ర‌స్తుత స‌న్నివేశం అలానే ఉంది. రొటీన్ క‌థ‌లతో క‌మ‌ర్షియ‌ల్ సినిమాల్లో న‌టిస్తామంటే జ‌నం థియేట‌ర్ల‌కు రావ‌డం లేదు. ఏదైనా కొత్త‌ద‌నం లేనిదే ఆద‌ర‌ణ ద‌క్క‌డం క‌ష్టంగా ఉంది. అందుకే ఇటీవ‌లి కాలంలో యువ‌హీరోలు దారి మార్చారు. ఇత‌రుల బాట‌లోనే నంద‌మూరి హీరో క‌ళ్యాణ్ రామ్ కొత్త దారిలో వెళ్లేందుకు ప్ర‌య‌త్నిస్తున్నాడు. తొలి నుంచి ప్ర‌యోగాలు చేస్తున్నా క‌థ‌ల ఎంపిక‌లో చాలా త‌ప్పులు చేసి దొరికిపోయిన క‌ళ్యాణ్ రామ్ ప్ర‌స్తుతం ర‌క‌ర‌కాల ప్ర‌యోగాల‌కు శ్రీ‌కారం చుడుతున్నారు. ఇటీవ‌లే 118 లాంటి ప్ర‌యోగం చేశాడు. సూప‌ర్ నేచుర‌ల్ ఎలిమెంట్ లేకుండానే `ఏదో జ‌రుగుతోంది` అన్న స‌స్పెన్స్ తో క‌థ ప‌రంగా కొత్త‌గా ట్రై చేశాడ‌న్న పేరొచ్చింది.

మునుముందు అదే బాట‌లో వెళుతున్నాడు క‌ళ్యాణ్ రామ్. అత‌డు న‌టిస్తున్న తాజా చిత్రం `తుగ్ల‌క్` మ‌రో ప్ర‌యోగం. సోషియో ఫాంట‌సీ నేప‌థ్యంలో ఆద్యంతం ర‌క్తి క‌ట్టించే క‌థాంశాన్ని వేణు మ‌ల్లిడి రెడీ చేసుకున్నాడ‌ట‌. ఇందులో పున‌ర్జ‌న్మ‌ల నేప‌థ్యం కొత్త‌గా ఉంటుంద‌ని తెలిసింది. ఈ చిత్రాన్ని ఎన్టీఆర్ ఆర్ట్స్ ప‌తాకంపై క‌ళ్యాణ్ రామ్ నిర్మిస్తున్నారు.

అంతేకాదు క‌ళ్యాణ్ రామ్ సొంతంగా ఓ వెబ్ సిరీస్ ని నిర్మిస్తున్నారు. ఆద్యంతం ర‌క్తి క‌ట్టించేలా ఒక మంచి ప్రేమ‌క‌థ‌ను ఎంచుకున్నాడ‌ట‌. అందులోనూ గ్రిప్పింగ్ స్క్రీన్ ప్లేతో ట్విస్టులతో సాగేలా క‌థాంశాన్ని రెడీ చేస్తున్నార‌ని తెలుస్తోంది. త్వ‌ర‌లోనే వీటికి సంబంధించిన వివ‌రాల్ని వెల్ల‌డించ‌నున్నారు.

అలాగే క‌ళ్యాణ్ రామ్ హీరోగా `ఉయ్యాల జంపాల` ఫేం విరించి వ‌ర్మ ద‌ర్శ‌క‌త్వంలో మ‌రో సినిమా తెర‌కెక్క‌నుంది. ఏప్రిల్ ఒక‌టి నుంచి ముంబైలో మొద‌టి షెడ్యూల్ ని చిత్రీక‌రిస్తారు. ఈ సినిమా క‌థాంశం క‌మ‌ర్షియ‌ల్ పంథాలో సాగినా ట్విస్టుల ప‌రంగా కొత్త‌గా ఉండేలా క‌థ‌ను త‌యారు చేశార‌ట‌. ఒకేసారి రెండు క్రేజీ చిత్రాల‌తో - ఒక వెబ్ సిరీస్ తో క‌ళ్యాణ రాముడు స్పీడ్ పెంచేస్తున్నాడ‌ని మాట్లాడుకుంటున్నారంతా.