నందమూరి హీరోకి ఒకే రోజు రెండు

ఇవాల్టి రోజుల్లో ఓ హీరో ఒక సినిమాను చకచకా ఫినిష్ చేయడమే అద్భుతం మాదిరిగా ఉంది. అలాంటిది ఒకే రోజున రెండు సినిమాలకు చెందిన కీలకమైన సంఘటనలు చోటు చేసుకోవడం అంటే నిజంగా వండర్ అనాల్సిందే. కళ్యాణ్ రామ్ ఇప్పుడు అలాంటి అరుదైన సంగతులు చూపించబోతున్నాడు.

ప్రస్తుతం నా నువ్వే అంటూ ఓ సినిమా షూటింగ్ ను పూర్తి చేశాడు కళ్యాణ్ రామ్. మిల్కీ బ్యూటీ తమన్నా జంటగా నటించిన ఈ సినిమాకు.. యాడ్ ఫిలిం మేకర్ జయేంద్ర దర్శకత్వం వహిస్తున్నాడు. కలర్ ఫుల్ లవ్ థీమ్ తో రూపొందుతున్న ఈ చిత్రాన్ని మే 25న విడుదల చేయనున్నారు. ఇదే రోజున మరో సినిమాకు పూజా కార్యక్రమాలను నిర్వహించబోతున్నాడు నందమూరి హీరో. సినిమాటోగ్రాఫర్ కేవీ గుహన్ దర్శకత్వం వహించే చిత్రానికి కళ్యాణ్ రామ్ సైన్ చేశాడు. ఈ చిత్రాన్ని నా నువ్వే విడుదల రోజునే అఫీషియల్ గా లాంఛ్ ఛేయనుండడం విశేషం.

మలయాళీ భామ నివేదా థామస్.. అర్జున్ రెడ్డి సెన్సేషన్ షాలినీ పాండే లు కళ్యాణ్ రామ్ కు హీరోయిన్లుగా నటించనున్నారు. నా నువ్వే రిలీజ్ డేట్ నే.. కొత్త సినిమా లాంఛింగ్ డేట్ గా ఎంచుకోవడానికి కారణం.. నిర్మాతలే. నా నువ్వే చిత్రాన్ని నిర్మించిన ఈస్ట్ కోస్ట్ ప్రొడక్షన్స్.. ఈ కొత్త చిత్రాన్ని కూడా ప్రొడ్యూస్ చేయనున్నారు. అలా ఒకే రోజున తన ఫ్యాన్స్ కు డబుల్ ధమాకా ఇవ్వనున్నాడు కళ్యాణ్ రామ్.