అందాల రాశి.. పెళ్లి ఫొటో దిగింది

పెళ్లి ఫొటోలో పెళ్లి కొడుకు - పెళ్లి కూతురు కంటే కూడా పక్కనున్న లేడీ హైలైట్ అయిపోతే ఎలా ఉంటుంది. ఈ ఫొటో చూస్తే తెలుగు ప్రేక్షకుల ఫీలింగ్ అదే మరి. నాగశౌర్య - మాళవిక నాయర్ ఎంత కళకళలాడిపోతున్నా.. పక్కన అందాల ‘రాశి’ ముందు వాళ్లు దిగదుడుపే. దాదాపు దశాబ్దం కిందట సినిమాలకు గుడ్ బై చెప్పేసి శ్రీనివాస్ అనే అసిస్టెంట్ డైరెక్టర్ని పెళ్లి చేసుకుని సెటిలైపోయిన రాశి.. మళ్లీ సినిమాల వైపు చూడలేదు. ఏవో టీవీ షోల్లో కనిపించడం తప్పితే మళ్లీ వెండితెర వైపు రాలేదు. ఈ మధ్యే సినిమాల్లోకి రావడానికి రెడీ అని చెప్పడం ఆలస్యం.. నందిని రెడ్డి పిలిచి అవకాశం ఇచ్చేసింది.

నందిని కొత్త సినిమా ‘కళ్యాణ వైభోగమే’లో రాశి ఓ ముఖ్య పాత్ర పోషిస్తోంది. మధ్యలో బాగా లావై కనిపించిన రాశి.. ఈ మధ్య స్లిమ్ అయి మునుపటిలా తయారైంది. మరి సినిమాలో ఆమె ఎలా ఉంటుంది అన్న ఆసక్తి జనాల్లో ఉంది. ఇక ‘కళ్యాణ వైభోగమే’ విశేషాలు చూస్తే.. నందిని తొలి సినిమాను నిర్మించిన రంజిత్ మూవీస్ అధినేత దామోదర ప్రసాద్ మళ్లీ ఆమెకు ఛాన్స్ ఇచ్చాడు. నందిని రెండో సినిమా ‘జబర్దస్త్’ డిజాస్టర్ అయిన సంగతి తెలిసిందే. నాగశైర్య, మాళవిక నాయర్ హీరో హీరోయిన్లుగా నటిస్తున్న ‘కళ్యాణ వైభోగమే’ చిత్రానికి కళ్యాణి కోడూరి సంగీతాన్నందిస్తున్నాడు. ఫస్ట్ లుక్ పోస్టర్లవీ కలర్ ఫుల్ గా బాగానే ఉన్నాయి. త్వరలోనే ఆడియో విడుదల చేసి.. డిసెంబర్లో ఈ సినిమాను ప్రేక్షకుల ముందుకు తేవాలని చూస్తున్నారు.