ఫస్ట్ లుక్: కళ్యాణ వైభోగమే

నందినీ రెడ్డి డైరెక్షన్ లో వస్తున్న కళ్యాణ వైభోగమే చిత్రానికి ఫస్ట్ లుక్ రిలీజైంది. దీపావళి సందర్భంగా ఫస్ట్ లుక్ ఇచ్చిన యూనిట్.. వన్ లైఫ్ వన్ సెలబ్రేషన్ అంటూ చిన్న మెసేజ్ కూడా ఇచ్చింది. పోస్టర్ మాత్రం ఫుల్లుగా పెళ్లి హడావిడితో నిండిపోయింది. హీరోహీరోయిన్ల పెళ్లి తర్వాత బంధువులంతా కలిసి దిగిన సెల్ఫీనే ఫస్ట్ లుక్ గా ఇవ్వడం భలే చూడముచ్చటగా ఉంది.

నాగశౌర్య, మాళవికా నాయర్ లు కళ్యామ వైభోగమేలో సందడి చేయనున్న జంట. ఈ పోస్టర్ పై స్టార్ హీరోయిన్ సమంత కామెంట్ చేసింది. 'కళ్యాణ వైభోగమే ఫస్ట్ లుక్ నచ్చింది. చాలా బావుంది. నాకెంతో ఇష్టమైన నందినీరెడ్డికి ఆల్ ది బెస్ట్. సూపర్ హిట్ కొట్టాలని ఆశిస్తున్నా' అంటూ ట్వీట్ చేసింది సమంత.

అలా మొదలైంది తర్వాత సత్తా చాటలేకపోయిన నందినీ రెడ్డి.. కళ్యాణ వైభోగమే చిత్రంతో మళ్లీ ఫామ్ లోకి రానుందనే అంచనాలున్నాయి. కళ్యాణ్ కోడూరి సంగీతం అందిస్తున్న ఈ చిత్రానికి లక్ష్మీ భూపాల్ డైలాగ్స్ రాస్తున్నారు. ప్రస్తుతం షూటింగ్ తుదిదశలో ఉండగా.. త్వరలో ఆడియో రిలీజ్ డేట్ ప్రకటించనున్నారు. దామోదర్ ప్రసాద్ నిర్మాణ బాధ్యతలు వహిస్తుండగా.. కథ, దర్శకత్వం అందిస్తున్నారు నందినీ రెడ్డి.